Ruslar Buşəhrə qayıtmır

SON XƏBƏRLƏR

Ruslar Buşəhrə qayıtmır

2026.05.17, 12:10

Rosatom: Təhlükəsizlik vəziyyəti aydınlaşana qədər rus əməkdaşlar Buşəhr AES-ə qayıtmayacaq.

Gunaz.tv

Rusiyanın dövlət nüvə şirkəti Rosatomun rəhbəri Aleksey Lixaçov bildirib ki, İran ətrafındakı təhlükəsizlik vəziyyəti tam aydınlaşana qədər rus əməkdaşların tam şəkildə Buşəhr Atom Elektrik Stansiyasına qaytarılması ilə bağlı qərar verilə bilməz.

O deyib ki, Rosatom Buşəhrdə çalışan rusiyalı əməkdaşların sayını artırmaq üçün planlaşdırmaya başlayıb, lakin eyni zamanda “hərbi vəziyyəti” nəzərə almağa məcburdur.

Lixaçov mediada müharibənin yenidən başlaya biləcəyi ilə bağlı yayılan məlumatlara toxunaraq bildirib ki, vəziyyət dəqiqləşənə qədər qüvvələrin tam geri dönüşü mümkün deyil.

ABŞ və İsrailin ötən ilin mart ayında İrana qarşı başladığı əməliyyatlardan sonra Rosatom Buşəhrdəki rus personalının sayını mərhələli şəkildə azaldıb. İlk mərhələdə 94 nəfər, daha sonra 150 nəfər, ardından 163 nəfər, növbəti mərhələdə 198 nəfər, sonda isə daha 108 nəfər stansiyanı tərk edib.

Beləliklə, aprelin sonlarında Buşəhr AES-də yalnız avadanlıqların təhlükəsizliyini qorumaq və minimum idarəetməni təmin etmək üçün 20 rus əməkdaşı qalıb.

GünAzTV
R.G

GUNAZ.TV

SON XƏBƏRLƏR