Contact Us

SON XƏBƏRLƏR

New York Times: Əhmədinejad İranda rejim dəyişikliyi planının namizədi olub

2026.05.20, 16:50
New York Times: Əhmədinejad İranda rejim dəyişikliyi planının namizədi olub

Gunaz.tv

Gunaz TV-nin məlumatına görə, New York Times qəzetinin eksklüziv hesabatında iddia olunur ki, ABŞ və İsrail son müharibənin ilk günlərində İranda rejim dəyişikliyi planı hazırlayıb və bu plana əsasən Mahmud Əhmədinejad Əli Xameneinin öldürülməsindən sonra bir neçə gün ərzində hakimiyyətə gətiriləcəkdi.

Qəzet ABŞ-dakı bu plandan məlumatlı rəsmilərə istinadən yazıb ki, Əhmədinejad da bu məsələ ilə bağlı məsləhətləşmələrə cəlb olunub, lakin ssenari qısa müddətdə pozulub.

Bu məlumata görə, Əhmədinejadın yaşadığı ünvana hava hücumu onun “ev dustaqlığından azad edilməsi” məqsədi daşıyıb. Ancaq o, müharibənin ilk günündə İsrailin Tehrandakı evinə hücumu zamanı yaralanıb və bu da planın icrasını pozub.

New York Times yazır ki, Əhmədinejadın bu plana necə daxil edildiyi məlum deyil. Bununla belə, onun anti-Amerika mövqeyi, İranın nüvə proqramına dəstəyi və daxili etirazların yatırılmasındakı rolu nəzərə alınanda bu seçimin qeyri-adi olduğu bildirilir.

Hesabatda həmçinin qeyd olunur ki, Əhmədinejadın hazırda harada saxlanıldığı və vəziyyətinin necə olduğu məlum deyil. ABŞ-ın da onun taleyi barədə məlumatı olmadığı iddia edilir.

Ağ Ev isə bu iddialara birbaşa toxunmadan bildirib ki, ABŞ əməliyyatlarının əsas məqsədi yalnız İranın raket və nüvə imkanlarını məhv etmək olub. İsrail isə hesabatla bağlı şərh verməkdən imtina edib.


GünAzTV
R.G
 

Açar Sözlər :

SEÇİLMİŞ XƏBƏRLƏR

Çox oxunanlar