Tramp Omanı açıq şəkildə hədələdi

SON XƏBƏRLƏR

Tramp Omanı açıq şəkildə hədələdi

2026.05.27, 23:55

Gunaz.tv

Gunaz.tv-nin məlumatına görə, ABŞ prezidenti Donald Tramp İranla aparılan danışıqlarla bağlı son açıqlamalarında Hörmüz boğazına nəzarət ehtimalına görə Omanı hədələyib və belə bir addım atılacağı təqdirdə Amerikanın “onları məhv edəcəyini” bildirib.

Tramp çərşənbə günü Nazirlər Kabinetinin iclasında Tehranla mümkün razılaşmanın çərçivəsinə toxunaraq deyib ki, “Hörmüz boğazı dərhal açılacaq”, lakin heç bir ölkənin bu strateji su yoluna nəzarət etməsinə icazə verilməyəcək.

O vurğulayıb: “Biz ona nəzarət edəcəyik, amma heç kim onu idarə etməyəcək. Bu, apardığımız danışıqların bir hissəsidir. Onlar oranı idarə etmək istəyirlər, amma heç kim onu idarə etməyəcək. Bu beynəlxalq su yoludur və Oman da digərləri kimi davranacaq, əks halda onları məhv etməyə məcbur olacağıq”.

Reuters agentliyi yazıb ki, Ağ Ev Trampın Omanla bağlı sözlərinə dair şərh sorğularına dərhal cavab verməyib. Omanın Vaşinqtondakı səfirliyi də mediaya açıqlama verməyib.

Bu açıqlamalar İran dövlət televiziyasının Tehran və Vaşinqton arasında hazırlanan anlaşma memorandumunun layihəsinə əsasən, Hörmüz boğazında gəmilərin “idarə olunması və hərəkət marşrutunun” İran və Oman əməkdaşlığı ilə həyata keçiriləcəyini iddia etməsindən bir neçə saat sonra səsləndirilib.

Lakin Ağ Ev Trampın çıxışından əvvəl həmin məlumatı təkzib edib və onu “tamamilə saxta” adlandırıb.

İran Xarici İşlər Nazirliyinin sözçüsü İsmayıl Bəqayi də ötən şənbə bildirib ki, Hörmüz boğazı ilə bağlı istənilən mexanizm İran və Oman arasında müəyyənləşdirilməlidir və bunun ABŞ-a “heç bir aidiyyəti yoxdur”.

Trampın Hörmüz boğazı ilə bağlı sərt açıqlamaları bu strateji su yolunun dünyanın ən mühüm enerji nəqli marşrutlarından biri sayıldığı və bölgədəki hər hansı gərginliyin qlobal bazarlara təsir göstərə biləcəyi bir vaxta təsadüf edir.

GünAzTV
R.G

GUNAZ.TV

SON XƏBƏRLƏR