Apple Rusiyanın “Max” tətbiqini App Store-dan çıxardı

SON XƏBƏRLƏR

Apple Rusiyanın “Max” tətbiqini App Store-dan çıxardı

2026.06.04, 21:30

Apple Rusiyanın “Max” tətbiqini mağazadan çıxardı. Bu dövlət dəstəkli mesajlaşma tətbiqi Apple Store-dan silindi.

Gunaz.tv

Gunaz TV-nin xəbərinə görə, Apple şirkəti Rusiya hökumətinin dəstəklədiyi “Max” mesajlaşma tətbiqini App Store mağazasından silib.

Tətbiqi hazırlayan şirkət bildirib ki, “Max” çərşənbə axşamı gecəsindən etibarən App Store-da görünmür və hazırda istifadəçilər onu yükləyə bilmirlər. Apple bu qərarın səbəbi ilə bağlı hələlik açıqlama verməyib.

Kreml tərəfindən WhatsApp və Telegram-a alternativ kimi təqdim olunan “Max”, Rusiyanın yerli “super tətbiq” yaratmaq layihəsinin bir hissəsidir. Tətbiq mesajlaşma xidmətləri ilə yanaşı, bank xidmətləri, rəqəmsal şəxsiyyət vəsiqəsi və dövlət xidmətlərinə çıxış imkanları da təqdim edir.

Tənqidçilər bildirirlər ki, bu tətbiq ucdan-uca şifrələmə sistemindən istifadə etmir və istifadəçilərin izlənməsi üçün vasitəyə çevrilə bilər. Son aylarda Rusiya hökuməti dövlət qurumlarında, məktəblərdə və dövlət şirkətlərində bu tətbiqdən istifadənin genişləndirilməsinə çalışıb.

“Max” tətbiqinin silinməsi Rusiyanın xarici mesajlaşma platformalarına və internet azadlığına qarşı məhdudiyyətləri artırdığı bir dövrə təsadüf edir.

GünAz TV
R.G

GUNAZ.TV

SON XƏBƏRLƏR