Nəim Qasım: Hizbullah silahlarını yerə qoymayacaq

SON XƏBƏRLƏR

Nəim Qasım: Hizbullah silahlarını yerə qoymayacaq

2026.06.17, 22:35

Hizbullah lideri qruplaşmanın silahsızlaşdırılmasını qəti şəkildə rədd edib.

Gunaz.tv

Gunaz TV-nin məlumatına görə, Livanın Hizbullah təşkilatının baş katibi Nəim Qasım bir daha İranın dəstəklədiyi bu qruplaşmanın silahsızlaşdırılmasını rədd edərək bildirib ki, Hizbullah silahlarından imtina etməyəcək.

O, Livan və İsrail arasında aparılan dolayı danışıqlara toxunaraq vurğulayıb: “Hizbullahın silahsızlaşdırılması ilə bağlı heç bir plan qəbul edilməyəcək”. Qasım iddia edib ki, İsrailin son müharibələr və təzyiqlərlə məqsədi Hizbullahı məhv etmək və bu qruplaşmanın fəaliyyətinə son qoymaq olub.

Nəim Qasım həmçinin ABŞ vasitəçiliyi ilə aparılan bəzi danışıqlarda gündəmə gətirilən Livanın cənubunda “sınaq zonaları” yaradılması planını da rədd edib.

Hizbullahın baş katibi çıxışının digər hissəsində İranı müdafiə edərək deyib: “Son müharibənin məqsədi İran rejimini devirmək idi, lakin bu məqsəd həyata keçmədi və Vaşinqtonun Tehrana qarşı planı uğursuz oldu.”

O, həmçinin iddia edib ki, İran İsraili hücumları dayandırmağa məcbur edib və bölgədəki hadisələrin gedişatını dəyişdirib.

Nəim Qasımın bu açıqlamaları Hizbullahın son illərdə İranın maliyyə, silah və hərbi dəstəyi ilə Tehranın bölgədəki ən mühüm proksi qüvvələrindən birinə çevrildiyi bir vaxtda səslənib. Bu qruplaşma Livanda sabitliyin pozulması və regional münaqişələrdəki roluna görə dəfələrlə tənqid olunub.

GünAzTV
R.G

GUNAZ.TV

SON XƏBƏRLƏR