İsrail və Hizbullah arasında atəşkəs?

SON XƏBƏRLƏR

İsrail və Hizbullah arasında atəşkəs?

2026.06.19, 18:45

İsrail-Livan sərhədində müharibə dayanacaqmı?

Gunaz.tv

ABŞ mənbələri cümə günü axşamdan etibarən atəşkəsin başlayacağını bildiriblər.

Gunaz TV-nin məlumatına görə, ABŞ və diplomatik mənbələr İsrail ilə Hizbullah arasında atəşkəs barədə razılıq əldə olunduğunu bildiriblər. Razılaşmanın cümə günü yerli vaxtla saat 16:00-dan etibarən qüvvəyə minəcəyi gözlənilir.

Yüksək vəzifəli amerikalı rəsmilərdən biri Reuters agentliyinə deyib: “Hizbullah və İsrail atəşkəs barədə razılığa gəliblər.” Onun sözlərinə görə, ABŞ və Qətər danışıqlarçıları İranın da iştirakı ilə bu razılaşmanı yekunlaşdırıblar.

Həmin rəsmi əlavə edib: “Bizim anlayışımıza görə, bu gün baş verən atışmalardan sonra İsrail və Hizbullah hazırda atəşkəs vəziyyətindədir.”

Əl-Ərəbiyyə televiziya kanalı da amerikalı bir rəsmiyə istinadən İsrail və Hizbullah arasında atəşkəs razılaşmasının əldə edildiyini bildirib.

Körfəz ölkələrindən olan və adının açıqlanmasını istəməyən bir diplomat isə AFP agentliyinə deyib: “Hizbullah və İsrail Qətər, ABŞ və İranın vasitəçiliyi ilə əldə olunmuş razılaşma çərçivəsində qarşıdurmalara son qoymağa razılaşıblar.”

Bununla yanaşı, bu məlumatlar İsrailin Baş naziri Benjamin Netanyahunun ölkəsinin hərbi qüvvələrinin lazım olduğu müddət ərzində Livan ərazisində qalacağını bildirməsindən bir neçə saat sonra yayılıb.

GünAzTV
R.G

GUNAZ.TV

SON XƏBƏRLƏR