Contact Us

SON XƏBƏRLƏR

Mühafizəkar media orqanı Xameneinin ABŞ ilə danışıqlarla bağlı mesajının yalnış təqdim edildiyini deyir - Xamenei danışıqlara qarşıdırmı?

2026.06.23, 09:58
Mühafizəkar media orqanı Xameneinin ABŞ ilə danışıqlarla bağlı mesajının yalnış təqdim edildiyini deyir - Xamenei danışıqlara qarşıdırmı?

Ultramühafizəkar "Raja News" nəşri bildirir ki, Müctəba Xamenei ilə əlaqəli media qurumları İran liderinin son bəyanatına üstüörtülü şəkildə düzəliş edərək, onun mövqeyinin düzgün anlaşılmasına təsir göstərə biləcək dəyişiklik ediblər.

Gunaz.tv

"Raja News"un məlumatına görə, Xamenei ilə əlaqəli media orqanları İran liderinin son mesajına əlavə edilmiş “[anlaşma memorandumu barədə]” ifadəsinə görə izahlı açıqlama yayaraq üzr istəyiblər.

Nəşrin yazdığına görə, bu ifadə bəyanatın mənasını dəqiqləşdirmək məqsədilə əlavə edilsə də, Xameneinin orijinal sözlərinin bir hissəsi olmayıb. Raja News əlavə edib ki, sonradan həmin ifadəni ehtiva edən bütün paylaşımlar silinib.

"Raja News" iddia edib ki, redaksiya tərəfindən edilən bu əlavə Xameneinin etirazlarının konkret olaraq ABŞ ilə əldə olunmuş anlaşma memorandumunun mətninə yönəldiyi təəssüratını yaradıb.

“Bu ifadənin əlavə olunması Ali Rəhbərin atəşkəs və danışıqlara münasibəti ilə bağlı yanlış anlaşılmalara səbəb olub və onun etirazının yalnız memorandumun mətni ilə məhdudlaşdığı təəssüratını yaradıb”, – deyə nəşr yazıb.

"Raja News"un fikrincə, həmin ifadənin çıxarılması Xamenei ilə əlaqəli medianın dolayı yolla onun narahatlıqlarının təkcə razılaşmanın özünə deyil, həm də daha geniş məsələlərə, o cümlədən atəşkəsə və Vaşinqtonla aparılan danışıqlara da şamil oluna biləcəyini qəbul etdiyini göstərir.

 

C

Açar Sözlər :

SEÇİLMİŞ XƏBƏRLƏR

Çox oxunanlar