Təhlükəsizlik təminatı olmadan ruslar Buşehrə qayıtmayacaq

SON XƏBƏRLƏR

Təhlükəsizlik təminatı olmadan ruslar Buşehrə qayıtmayacaq

2026.06.28, 20:10

Gunaz.tv

Rusiyanın dövlət şirkəti “Rosatom”un baş direktoru bildirib ki, Rusiya öz mütəxəssislərinin təhlükəsizliyinə “yüz faiz zəmanət” verilməyənə qədər onları İranın Buşehr Atom Elektrik Stansiyasına geri göndərməyəcək.

Günaz TV-nin məlumatına görə, Aleksey Lixaçov “İnterfaks” agentliyinə deyib: “Bizim qüvvələrimizin təhlükəsizliyinin yüz faiz təmin olunduğuna əmin olmayana qədər, təbii ki, onları geri qaytarmayacağıq.”

“Rosatom” ABŞ və İsrailin İrana qarşı 40 günlük müharibəsi başladıqdan sonra Buşehr stansiyasından təxminən 400 mütəxəssisini təxliyə edib.

Lixaçov bildirib ki, hazırda 20 rusiyalı mütəxəssis Buşehr Atom Elektrik Stansiyasında qalır və iranlı əməkdaşlarla birlikdə fəaliyyətlərini davam etdirirlər.

O əlavə edib: “Qüvvələrin geniş şəkildə geri qayıtması yalnız o zaman mümkün olacaq ki, həmkarlarımızın həyatının təhlükə altında olmadığına əmin olaq; yalnız stansiyanın daxilində deyil, hətta logistika əməliyyatları zamanı da.”

Buşehr Atom Elektrik Stansiyası son müharibə zamanı bir neçə dəfə hədəfə alınıb və mərmilər onun ətrafına düşüb. Bu hücumlar Beynəlxalq Atom Enerjisi Agentliyinin baş direktoru Rafael Qrossinin tənqidinə səbəb olub.

GünAzTV
R.G

GUNAZ.TV

SON XƏBƏRLƏR