Qazaxıstanda yeni Konstitusiya qüvvəyə minib.

SON XƏBƏRLƏR

Qazaxıstanda yeni Konstitusiya qüvvəyə minib.

2026.07.02, 10:34

İyulun 1-dən etibarən Qazaxıstanın yeni Konstitusiyası rəsmi olaraq qüvvəyə minib. Konstitusiyaya edilən dəyişikliklər bu ilin mart ayında keçirilən ümumxalq referendumunda qəbul olunmuşdu.

Gunaz.tv

Bu barədə yerli media məlumat yayıb.

Yeni Konstitusiyaya əsasən, qazax dili ölkənin yeganə rəsmi dili elan edilib. Rus dili isə yalnız inzibati ünsiyyət dili statusunu qoruyub saxlayır. Bundan əlavə, qazax kimliyi Konstitusiyada ənənəvi dəyər kimi təsbit olunub, xarici fond və təşkilatların fəaliyyəti isə məhdudlaşdırılır.

İki palatalı parlament ləğv edilərək onun yerində "Qurultay" adlı birpalatalı qanunverici orqan yaradılıb. Prezidentlik müddəti yenidən seçilmək hüququ olmadan bir dəfəlik yeddi illə məhdudlaşdırılıb. Həmçinin, 1995-ci ildə ləğv edilmiş vitse-prezident vəzifəsi yenidən bərpa olunub.

Bununla yanaşı, prezident tərəfindən təyin edilən 164 üzvdən ibarət yeni məşvərətçi orqan – "Xalq Şurası" yaradılacaq.

Qazaxıstan Prezidenti Kasım-Jomart Tokayev bildirib ki, "Qurultay ölkənin ali qanunverici orqanı kimi bütün sahələrdə davamlılığı, institusional sabitliyi, ənənələrin qorunmasını və özünəməxsus parlament mədəniyyətinin formalaşmasını təmin etməlidir."

Tokayevin sözlərinə görə, yeni parlamentin əsas məqsədi bütün vətəndaşlar üçün bərabər imkanların təmin olunduğu ədalətli Qazaxıstan qurmaqdır.

Ş.A

GUNAZ.TV

SON XƏBƏRLƏR