Rosatom İranda planını dəyişdi

SON XƏBƏRLƏR

Rosatom İranda planını dəyişdi

2026.07.10, 18:09

Gunaz.tv

Rusiyanın dövlət nüvə enerjisi şirkəti “Rosatom” İrana yeni hücumlardan sonra Buşəhr Atom Elektrik Stansiyasında tikilən yeni enerji bloklarına əməkdaşlarının ilk qrupunun qaytarılması prosesinin dayandırıldığını açıqlayıb.

Gunaz TV-nin məlumatına görə, Rusiya mətbuatı “Rosatom”un baş direktoru Aleksey Lixaçova istinadən yazıb: “Bir neçə saat əvvəl altı nəfərdən ibarət ilk qrup həmin əraziyə doğru yola çıxmışdı. Lakin ötən gecə baş verən hücumlardan sonra komandamızın Tehrandakı hərəkəti dayandırılıb.”

Lixaçov əlavə edib: “Yaxın gələcəkdə növbəti addımlar barədə qərar verəcəyik.”

İranlı bir rəsmi cümə axşamı bildirib ki, ABŞ-nin hücumları zamanı bir mərmi Buşəhr Atom Elektrik Stansiyasının ətrafına düşüb, həmçinin Buşəhr şəhərinin kənarında yerləşən hərbi obyekt hədəfə alınıb.

“Rosatom” Buşəhr Atom Elektrik Stansiyasında iki yeni enerji blokunun tikintisini həyata keçirir. ABŞ və İsrailin İrana qarşı müharibəsi başladıqdan sonra şirkət 600-dən çox əməkdaşını Rusiyaya təxliyə edib. Onların bir hissəsi son günlər İrana qayıdaraq Tehrana çatmışdı. Lakin Buşəhrə səfərlərinin davamı növbəti qərara qədər dayandırılıb.

Şirkət bildirib ki, tikinti işlərinin davam etməsi üçün layihə ərazisində cəmi 20 əməkdaş saxlanılıb. “Rosatom” Buşəhr Atom Elektrik Stansiyasının inkişafının şirkətin prioritetlərindən biri olaraq qaldığını da vurğulayıb.

Gunaz TV
R.G

GUNAZ.TV

SON XƏBƏRLƏR