İranlı radikallar Azərbaycana qarşı yeni təxribat planına əl atıblar

SON XƏBƏRLƏR

İranlı radikallar Azərbaycana qarşı yeni təxribat planına əl atıblar

2026.07.13, 15:53

İranda sərt xətt siyasi cərəyanına bağlı olan və Məsud Pezeşkian hökumətinin müxaliflərinin təmsil olunduğu Qumda yerləşən dini-siyasi və ideoloji mərkəzlər Azərbaycan Respublikasının vətəndaşlarından ibarət "qaçıqn" dəstəsi hazırlayır.

Gunaz.tv

Bu barədə məlumatlı yerli mənbələr və fəallar bildiriblər.

Məlumata görə, Azərbaycan Respublikasında İran lehinə siyasi-ideoloji təbliğat aparan və təxribatçı qruplara bağlı olan şəxslərdən ibarət dəstə Qum və Tehranda yerləşdirilir.

Onların Kəşfiyyat Nazirliyi və SEPAH tərəfindən təşkilatlandırıldıqları, Azərbaycan Respublikasına qarşı siyasi-ideoloji təbliğat ünsürləri kimi istifadəyə hazırlandıqları bilirilir.

Qeyd olunur ki, mənzil və aylıq məvaciblə təmin olunan qrup üzvləri əsasən Azərbaycan Respublikasında ifşa olunan və təxribatçı fəaliyyətləinə görə barələrində cinayət işi açılan şəxslərdən ibarətdir.

Bu qəbildən olan son "qaçqın"lardan biri Göyçay rayonunun Qaraməryəm kəndindən olan Samirə Cəfərovadır.

Ailəsi ilə birlikdə İrana aparılan Cəfərovanın, Qumda yerləşdirildiyi və Azərbaycan Respublikasına qarı fəaliyyəti üçün yeni imkanlar yaradıldığı bildirilir.

O və onunla eyni dəstədə olan "qaçqın"lar Azərbaycan Respublikasında dini azadlıqların olmaması, xüsusən şiə məzhəbinə qarşı qadağaların tətbiqi edildiyi barədə yeni təbliğat kampaniyasına başlayıblar.

Qeyd edək ki, yaşadığı rayonunda mənfi imici ilə tanınan S.Cəfərova bundan əvvəl Azərbaycan Respublikasında yaşadığı zaman azyaşlıları toplayaraq qanunsuz dini ayinlər və təbliğat apardığına görə, saxlanılaraq İnzibati Xətalar Məcəlləsinin müvafiq maddəsi ilə məhkəmə qarşısına çıxarılb və cərimə edilib.

O, təşkil etdiyi mərasimlərdə həm də azyaşlı qız uşaqlarının erkən evliliyini və yeniyetmələr arasında siğə üsulu ilə intim münasibətləri təbliğ etdiyinə görə, həmyerlilərinin etirazları ilə qarşılaşıb.

Xatırladaq ki, SEPAH-ın Qüds qüvvələrinin keçmiş komandanı Qasım Süleymani tərəfindən azərbaycanlı radkallardan ibarət qurulmuş "Hüseyniyyun" qruplaşmasının fəaliyyəti, Azərbaycan Respublikasının qəti etirazından sonra səngiyib.

Buna həm də qonşu və bölgə ölkələri ilə daha mülayim və məqbul münasibətlər qurmağa çalışan Məsud Pezeşkian hökumətinin bəzi addımları səbəb olub.

Bu səbəbdən də, Qum və Tehranda yerləşən, SEPAH və Kəşfiyyat Nazirliyində söz sahibi olan bəzi mərkəzlər, Azərbaycan respublikasına qarşı daha "incə" vasitələrdən istifadə etməyə məcbur olublar.

GünazTV

GUNAZ.TV

SON XƏBƏRLƏR