Contact Us

SON XƏBƏRLƏR

Telegraph: Husilər İran adından Bab əl-Məndəb boğazında yeni cəbhə açmağa hazırlaşır

2026.07.16, 12:48
Telegraph: Husilər İran adından Bab əl-Məndəb boğazında yeni cəbhə açmağa hazırlaşır

Yəməndə fəaliyyət göstərən husi qruplaşması İran adından Bab əl-Məndəb boğazını bağlamağa hazırlaşır.

Gunaz.tv

Bu barədə The Telegraph qəzeti məlumatlı mənbəyə istinadən xəbər yayıb.

Mənbənin sözlərinə görə, Tehran Qırmızı dənizin digər tərəfində də nəzarəti ələ keçirməyə və Hörmüz boğazında olduğu kimi Bab əl-Məndəbdə də oxşar vəziyyət yaratmağa çalışır.

Bab əl-Məndəb boğazı Ərəbistan yarımadasının qərbində yerləşir və Qırmızı dənizlə Hind okeanı arasında strateji keçid nöqtəsi hesab olunur.

Məlumata görə, İranın regiondakı ən güclü müttəfiqi sayılan husilər boğazı bağlamaq üçün hazırlıq görür.

Mənbələr bildirirlər ki, husilər boğazın şimal-şərq sahilində yerləşən Yəməndən fəaliyyət göstərərək Somalidəki silahlı Əl-Şəbab qruplaşması ilə əməkdaşlıq edəcək və beləliklə, su yolunun hər iki sahilinə nəzarət etməyə çalışacaqlar.

İddialara görə, məqsəd qlobal iqtisadiyyata daha böyük zərbə vurmaq və ABŞ Prezidenti Donald Trampa təzyiqi artırmaqdır.

Həm Hörmüz, həm də Bab əl-Məndəb boğazları dünya enerji təchizatı üçün mühüm əhəmiyyət daşıyır. Dünyada dəniz yolu ilə həyata keçirilən illik ticarətin təxminən 10–12 faizi Süveyş kanalına çıxışı təmin edən Bab əl-Məndəb boğazından keçir.

 

- Cəfər Cəfərli

Açar Sözlər :

SEÇİLMİŞ XƏBƏRLƏR

Çox oxunanlar