Contact Us

SON XƏBƏRLƏR

Zelenski: Rusiya İranın hücumlarını dəstəkləyib

2026.07.26, 10:02
Zelenski: Rusiya İranın hücumlarını dəstəkləyib

Rusiya ABŞ bazalarının görüntülərini İrana verib? ABŞ bazaları Rusiya peykləri ilə izlənilib.

Gunaz.tv

Gunaz TV-nin məlumatına görə, Ukrayna Prezidenti Volodimir Zelenski Rusiyanın Yaxın Şərqdəki ABŞ hərbi bazalarının peyk görüntülərini və kəşfiyyat məlumatlarını İrana ötürdüyünü və bu məlumatlardan İranın hücumlarına dəstək məqsədilə istifadə edildiyini bildirib.

Zelenski şənbə günü X sosial şəbəkəsində yazıb: “İyul ayının əvvəlindən etibarən Rusiya peyklərinin  körfəz ölkələri və bölgədəki ABŞ hərbi bazalarını geniş şəkildə izlədiyini qeydə almışıq. Bu görüntülər daha sonra İrana ötürülüb.”

Ukrayna Prezidentinin sözlərinə görə, Kiyevin araşdırmaları Rusiya peyk görüntüləri ilə İranın ABŞ hərbi bazalarına hücumları arasında “aydın əlaqə” olduğunu göstərir. O bildirib ki, bu görüntülər həm hücumların hazırlanması mərhələsində, həm də hücumlardan sonra dəyən ziyanın qiymətləndirilməsi üçün istifadə olunub.

Zelenski əlavə edib ki, təkcə 19 və 20 iyul tarixlərində Rusiya peykləri dörd ABŞ hava bazasını izləyib: Bəhreyndə iki, İordaniyada bir və Küveytdə bir hərbi baza.

O vurğulayıb: “Bu fəaliyyətlərin məqsədi tamamilə aydındır.” Zelenski həmçinin Ukraynanın təhlükəsizlik qurumlarına Rusiyanın İrana göstərdiyi bu yeni dəstəklə bağlı məlumatları Kiyevin beynəlxalq tərəfdaşları ilə paylaşmaq tapşırığı verdiyini açıqlayıb.

Bu açıqlamalar İranın son həftələrdə bölgədə ABŞ-la əlaqəli hədəflərə hücumlar həyata keçirdiyi bir vaxtda səsləndirilib. İndiyədək nə Rusiya, nə də İran Zelenskinin irəli sürdüyü iddialara rəsmi münasibət bildirib.

 

GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar