Hörmüzə alternativ marşrut hazırlanır

SON XƏBƏRLƏR

Hörmüzə alternativ marşrut hazırlanır

2026.07.26, 12:51

İraq neftini Suriya üzərindən ixrac edəcək; Yeni neft kəməri layihəsi təsdiqləndi

Gunaz.tv

Gunaz TV-nin məlumatına görə, İraq Nazirlər Kabineti Bəsrə Neft Şirkəti ilə Suriyanın Neft Nazirliyi arasında neft kəmərinin tikintisinə dair müqavilənin imzalanmasına icazə verib.

İraq neftinin böyük hissəsi ölkənin cənubundakı Bəsrə bölgəsində hasil olunur. Hörmüz boğazının İran tərəfindən bağlanması səbəbindən İraq neft hasilatını yarıdan da aşağı salıb və ixrac üçün alternativ marşrutlar axtarır.

Hər iki ölkənin neft şirkətlərinin rəhbərləri iyulun 17-də Vaşinqtonda 2003-cü ildə ABŞ hücumlarından sonra fəaliyyətini dayandırmış Kərkük–Baniyas neft kəmərinin bərpasına dair memorandum imzalayıblar. Nazirlər Kabinetinin qərarı ilə bu memorandumun rəsmi müqaviləyə çevrilməsi və layihənin icrasına başlanması mümkün olacaq.

Layihənin tam həyata keçirilməsi üçün əlavə olaraq Bəsrə–Kərkük neft kəmərinin də tikilməsi nəzərdə tutulur.

Məlumata görə, hər iki kəmər istifadəyə verildikdən sonra Bəsrə bölgəsindən Suriyanın Baniyas limanına gündəlik 2–2,5 milyon barel neft nəql etmək mümkün olacaq. Bu həcm İraqın ümumi neft hasilatının təxminən yarısına bərabərdir.

GunAz TV
R.G

GUNAZ.TV

SON XƏBƏRLƏR