İranda inflyasiya hiperinflyasiya həddinə yaxınlaşır

SON XƏBƏRLƏR

İranda inflyasiya hiperinflyasiya həddinə yaxınlaşır

2026.07.29, 20:32

Statistika Mərkəzi inflyasiya rəqəmlərini açıqladı; Qiymətlər İranda demək olar ikiqat bahalaşıb. İnflyasiya 100 faizə doğru gedir.

Gunaz.tv

Gunaz.tv-nin məlumatına görə, İran Statistika Mərkəzinin son hesabatında ölkədə illik nöqtəvi inflyasiya göstəricisinin 87,9 faizə çatdığı açıqlanıb. Bu, ötən ilin eyni dövrü ilə müqayisədə mal və xidmətlərin qiymətlərinin demək olar ki, iki dəfə bahalaşdığını göstərir və ölkədə yaşayış böhranının daha da dərinləşdiyindən xəbər verir.

Hesabata əsasən, İran ailələri bir il əvvəl aldıqları eyni mal və xidmət səbətini əldə etmək üçün indi təxminən iki dəfə artıq vəsait ödəməli olurlar. Bu isə əhalinin alıcılıq qabiliyyətinin daha da zəifləməsinə səbəb olur.

İran Statistika Mərkəzi ötən ilin tir ayından bu ilin tir ayının sonunadək illik inflyasiya səviyyəsini 66 faiz elan edib. Halbuki İran Mərkəzi Bankı bundan əvvəl bu göstəricini 62 faiz olaraq açıqlamışdı. Bu fərq ölkənin rəsmi qurumları arasında iqtisadi göstəricilərlə bağlı uyğunsuzluğun davam etdiyini göstərir.

Son həftələrdə bir sıra iqtisadçılar İranda inflyasiyanın daha da sürətlənəcəyi barədə xəbərdarlıq edərək bildiriblər ki, inflyasiya səviyyəsinin 100 faizi keçməsi ölkənin hiperinflyasiya mərhələsinə daxil olmasının əlaməti ola bilər. Belə bir vəziyyət isə adətən milli valyutanın sürətlə dəyər itirməsi, alıcılıq qabiliyyətinin kəskin azalması və iqtisadi-sosial böhranın daha da ağırlaşması ilə müşayiət olunur.

GunAz TV
R.G

GUNAZ.TV

SON XƏBƏRLƏR