ABŞ Hörmüz boğazından neft ixracının artdığını açıqladı

SON XƏBƏRLƏR

ABŞ Hörmüz boğazından neft ixracının artdığını açıqladı

2026.08.12, 05:57

Gunaz.tv

ABŞ Energetika naziri Kris Rayt çərşənbə axşamı bildirib ki, Hörmüz boğazından neft ixracının yeddi günlük orta göstəricisi sutkada 9 milyon barrelə yaxınlaşıb.

Rayt “X” platformasında yazıb: “ABŞ ordusu və körfəzdəki müttəfiqlərimizin əlaqələndirilmiş səyləri sayəsində Hörmüz boğazından neft ixracının yeddi günlük orta göstəricisi hazırda sutkada 9 milyon barrelə yaxınlaşıb.”

O əlavə edib ki, sutkada əlavə 5-7 milyon barrel neft “yeni təkmilləşdirilmiş boru kəmərləri və ixrac infrastrukturu” vasitəsilə daşınır. Bununla birlikdə, ümumi neft axını orta hesabla sutkada təxminən 15 milyon barrelə çatıb.

ABŞ Energetika naziri həmçinin bildirib ki, yalnız bazar günü körfəz bölgəsindən “20 milyon barreldən çox neft” çıxarılıb. Onun sözlərinə görə, bu göstərici ABŞ və İsrailin İranla müharibəsi başlamazdan əvvəlki orta ixrac həcmindən çoxdur.

Bu açıqlamalar İranın Hörmüz boğazının bağlı olduğunu və onun nəzarətində qaldığını bildirdiyi bir vaxtda səslənib. ABŞ isə Hörmüz boğazına tam nəzarət etdiyini və boğazı minalardan təmizlədiyini açıqlayıb.

GunAz TV
R.G

GUNAZ.TV

SON XƏBƏRLƏR