Moskva və London arasında gərginlik artdı

SON XƏBƏRLƏR

Moskva və London arasında gərginlik artdı

2026.08.19, 21:10

Moskva və London arasında Ukrayna dronları ilə bağlı gərginlik artıb.

Gunaz.tv

Rusiya Britaniyanın Ukraynaya dəstəyinin nəticələri ilə bağlı xəbərdarlıq edib.

Rusiyanın Britaniyadakı səfirliyi Londonun Ukraynanın hərbi imkanlarına dəstəyini artırmasının “qaçılmaz olaraq nəticələri olacaq” və Britaniyanın bu addımların “daha böyük bədəlini ödəyəcəyini” bildirib.

Bu xəbərdarlıq “Times” qəzetinin Britaniya istehsalı olan dronların Ukraynanın Rusiyadakı hədəflərə qarşı uzaqmənzilli hücumlarında ehtimal olunan istifadəsi barədə məlumatından sonra səslənib. Bununla belə, Britaniya Müdafiə Nazirliyi bu dronların son hücumlarda istifadə edildiyini təsdiqləməyib.

Britaniyanın Baş naziri Endi Bernam Moskvanın xəbərdarlığına cavab olaraq Londonun Ukraynanı “100 faiz” dəstəklədiyini bildirib və deyib: “Biz yaxşı günlərin dostu deyilik. Ehtiyac zamanı Ukraynanın yanında olacağıq və bu dəyişməyəcək.”

Britaniya 2026-cı ilin sonunadək Ukraynaya təxminən 150 min dron verəcəyini açıqlayıb. Rusiya 2022-ci ildə Ukraynaya qarşı genişmiqyaslı işğala başladıqdan sonra Qərbin Kiyevə silah göndərməsinin mümkün nəticələri barədə dəfələrlə xəbərdarlıq edib.

Gunaz TV
R.G

GUNAZ.TV

SON XƏBƏRLƏR