Suriya rəsmiləri Mossadla Türkiyə ilə gərginliyi azaltmaq üçün görüşüb

SON XƏBƏRLƏR

Suriya rəsmiləri Mossadla Türkiyə ilə gərginliyi azaltmaq üçün görüşüb

2026.08.23, 22:31

Gunaz.tv

Suriya və İsrailin yüksək səviyyəli rəsmiləri İsrailin Suriyanın Əbu Zühur hava bazasına son hücumundan sonra gərginliyin azaldılması məqsədilə görüşüblər. Hücum Suriyada Türkiyənin hərbi mövcudluğu məsələsini də əsas gərginlik mövzularından birinə çevirib.

“Axios” saytı iki məlumatlı mənbəyə istinadən xəbər verib ki, Suriyanın xarici işlər naziri Əsəd əş-Şeybani İordaniyada Mossad rəhbəri Roman Qofmanla görüşüb. Görüş İsrailin Əbu Zühur hava bazasına hücumundan bir neçə gün sonra keçirilib.

İsrail bu bazaya hücumun Türkiyənin orada hərbi mövcudluq yaratmasının qarşısını almaq məqsədi daşıdığını açıqlayıb. Suriya və Türkiyə isə bu iddianı rədd edib. Suriya rəsmiləri bildiriblər ki, Türkiyə ilə hərbi əməkdaşlıq təlim və təcrübə mübadiləsi çərçivəsində həyata keçirilib və Əbu Zühurda Türkiyənin hərbi bazasının yaradılması planı olmayıb.

Suriyada Türkiyənin hərbi mövcudluğu məsələsi bundan əvvəl də Roman Qofman və Əsəd əş-Şeybani arasında keçirilən telefon danışığında müzakirə olunub. “Reuters”in məlumatına görə, tərəflər avqustun 14-də Suriyada Türkiyənin hərbi mövcudluğu barədə danışıblar. Bu danışıq İsrailin Əbu Zühur hava bazasına hücumundan bir neçə gün əvvəl baş tutub.

İsrailin baş naziri Benyamin Netanyahunun ofisi Qofman və əş-Şeybaninin görüşü barədə yayılan xəbərə münasibət bildirməyib. Suriya rəsmiləri də indiyədək məsələ ilə bağlı açıqlama verməyiblər.

GünAz TV
R.G

GUNAZ.TV

SON XƏBƏRLƏR