Böyük Britaniya İrana qarşı “İqtisadi Təcrid” kampaniyasını rəsmi şəkildə dəstəkləyir

SON XƏBƏRLƏR

Böyük Britaniya İrana qarşı “İqtisadi Təcrid” kampaniyasını rəsmi şəkildə dəstəkləyir

2026.08.26, 14:27

Britaniya hökuməti ABŞ və digər beynəlxalq tərəfdaşlarla birlikdə İran İslam Respublikasına qarşı iqtisadi təzyiqi davam etdirəcək.

Gunaz.tv

Bunu Böyük Britaniyanın maliyyə naziri Con Hili bildirib.

ondon həmçinin Hörmüz boğazının yenidən açılması və “təhlükəli İran fəaliyyətlərinə” qarşı mübarizə üçün zəruri tədbirlər görəcək.

Hili avqustun 25-də yayımladığı açıqlamada bildirib ki, Britaniya hökuməti vəzifəyə gəldikdən sonra İrana qarşı 240-dan çox sanksiya tətbiq edib. Bu tədbirlər Böyük Britaniyanın və onun vətəndaşlarının təhlükəsizliyini təhdid edən fəaliyyətlərə birbaşa cavab olaraq həyata keçirilib.

Nazir əlavə edib ki, London İran İslam Respublikasının nüvə proqramını və regionda sabitliyi pozan fəaliyyətlərini irəlilətmək üçün qlobal iqtisadi sistemdən və ya Britaniyanın maliyyə sistemindən istifadə etməsinin qarşısını almaq öhdəliyini qətiyyətlə davam etdirir.

ABŞ-ın diplomatik həllə nail olmaq səylərini dəstəklədiyini bildirən Hili İslam Respublikasına qarşı təzyiqlərin gücləndirilməsini alqışladıqlarını və ABŞ-ın rəhbərlik etdiyi “İqtisadi Təcrid Əməliyyatı”na qoşulduqlarını təsdiqləyib.

Britaniyanın maliyyə naziri sonda İran İslam Respublikasını regionda, xüsusilə Hörmüz boğazında sabitliyi pozan fəaliyyətlərini dayandırmağa və mənalı diplomatik danışıqlara başlamağa çağırıb.

GUNAZ.TV

SON XƏBƏRLƏR