Aralıq dənizində Türkiyə ilə İsrail donanması arasında gərginlik

SON XƏBƏRLƏR

Aralıq dənizində Türkiyə ilə İsrail donanması arasında gərginlik

2026.08.30, 23:39

Gunaz.tv

GünAz TV xəbər verir ki, İsrail mediası məlumatlı mənbələrə istinadən Türkiyənin hərbi gəmilərinin Aralıq dənizində İsrail Hərbi Dəniz Qüvvələrinə məxsus gəmilərə yaxınlaşdığını və onlar üçün dəniz marşrutları müəyyən etdiyini bildirib.

Bu məlumatlara görə, Türkiyə Hərbi Dəniz Qüvvələri son aylarda Aralıq dənizində hərbi təlimlər keçirməklə və hərbi gəmilərin yerləşdirilməsini artırmaqla bölgədəki fəaliyyətini gücləndirib.

Türkiyənin dəniz fəaliyyətinin artmasından sonra İsrail Hərbi Dəniz Qüvvələri də hazırlıq səviyyəsini yüksəldib və Aralıq dənizindəki vəziyyəti yaxından izləyir.

İsrail mediası bu hadisələrin iki ölkə arasında, o cümlədən Suriya və Qəzza müharibəsi ilə bağlı artan gərginlik fonunda baş verdiyini vurğulayıb.

Bununla belə, İsrailin təhlükəsizlik strukturundakı bir mənbə Təl-Əvivin Türkiyəni düşmənə çevirmək niyyətində olmadığını və mümkün qarşıdurmanın qarşısını almaq üçün iki tərəf arasında əlaqə kanallarının hələ də fəaliyyət göstərdiyini bildirib.

Gəmilərin yaxınlaşmasının dəqiq yeri və vaxtı barədə ətraflı məlumat açıqlanmayıb. İndiyədək iki ölkənin hərbi dəniz qüvvələri arasında silahlı qarşıdurma baş verdiyinə dair məlumat yoxdur.

GünAz TV
R.G

GUNAZ.TV

SON XƏBƏRLƏR