Contact Us

SON XƏBƏRLƏR

İraq 30 sentyabrda böyük təhlükəsizlik dəyişikliyi ərəfəsindədir

2026.09.16, 23:50
İraq 30 sentyabrda böyük təhlükəsizlik dəyişikliyi ərəfəsindədir

Gunaz.tv

İraq 30 sentyabr ərəfəsində iki mühüm təhlükəsizlik dəyişikliyi ilə üz-üzədir: ABŞ qüvvələrinin ölkənin şimalından çıxması və hökumətin nəzarətindən kənarda olan silahlı qrupların tərksilahı ilə bağlı fikir ayrılıqlarının davam etməsi.

Gunaz TV-nin məlumatına görə, ABŞ rəsmiləri ölkənin şimalında qalan yüzlərlə amerikalı hərbçinin 30 sentyabradək İraqı tərk edəcəyini bildiriblər. Bu qüvvələrin əksəriyyəti İraqdan çıxdıqdan sonra İordaniyada və regionun digər ölkələrində yerləşdiriləcək.

Eyni zamanda, İraq hökumətinin silahlı qrupların tərksilah edilməsi istiqamətində səyləri davam edir. Lakin İranla yaxın əlaqələri olan güclü qruplar silahlarını təhvil verməkdən imtina edirlər. Bəzi qruplar istənilən razılaşma üçün müəyyən şərtlər irəli sürür və məsələnin silahların təhvil verilməsindən deyil, onların tənzimlənməsi və nəzarətdə saxlanılmasından ibarət olmasını istəyirlər.

ABŞ-ın hərbi rəsmilərindən biri bildirib ki, qüvvələrin çıxarılmasından sonra Vaşinqtonla Bağdad arasında adi ikitərəfli təhlükəsizlik əməkdaşlığı haqqında razılaşma üzrə danışıqlar aparıla bilər. Lakin belə bir razılaşmanın çərçivəsi hələ müəyyənləşməyib.

 

Gunaz TV 
R.G

Açar Sözlər :

SEÇİLMİŞ XƏBƏRLƏR

Çox oxunanlar