Sistan və Bəlucistanda silahlı qarşıdurma olub

SON XƏBƏRLƏR

2026.10.02, 14:56

Bu gün səhər saatlarında SEPAH qüvvələri Sistan və Bəlucistan əyalətinin Rask şəhərinin Şoşgim və Bild kəndlərində əməliyyat keçiriblər.

Bu haqda "Təsnim" məlumat yayıb.

Əməliyyatın "terror qruplaşması üzvlərinə" qarşı keçirildiyi bildirilib.

Yerli mənbələrin bildirdiyinə və hadisə yerindən yayılan görüntülərə görə, SEPAH əməliyyat zamanı ağır çaplı silahlardan istifadə edib.

Bununla eyni vaxtda əyalətin Taftan rayonunun Nukabad şəhərində də silahlı qarşıdurma olub.

Naməlum silahlı şəxslərin şəhərin Kəşfiyyat İdarəsinin binasına hücum etdikləri bildirilib.

İnsan tələfatı barədə açıqlama verilməyib və hələlik heç bir qrup hücumun məsuliyyətini öz üzərinə götürməyib.