Səudiyyə Ərəbistanı İranı husilərin hücumlarını artırmağa təşviq etməkdə ittiham edir

SON XƏBƏRLƏR

Səudiyyə Ərəbistanı İranı husilərin hücumlarını artırmağa təşviq etməkdə ittiham edir

2026.10.16, 15:21

Səudiyyə Ərəbistanının xarici işlər nazirinin ictimai diplomatiya məsələləri üzrə müavini 15 oktyabr 2026-cı il, cümə axşamı günü jurnalistlərlə keçirilən virtual brifinq zamanı İran İslam Respublikasını husilərin krallığa qarşı yeni hücum dalğasını dəstəkləməkdə ittiham edib.

Gunaz.tv

Raid bin Xalid Qarmali bildirib ki, Tehran husiləri silahlandırmaqda fəal rol oynamağa, eləcə də hərbi əməliyyatların genişlənməsini dəstəkləməyə davam edir.

Agence France-Presse (AFP) Səudiyyə Xarici İşlər Nazirliyinin rəsmisinə istinadən yazıb: “İran BMT Təhlükəsizlik Şurasının qətnamələrini pozaraq husiləri silahlandırmaqda, təlimlər keçməkdə və dəstəkləməkdə davam edir”.

O əlavə edib ki, Səudiyyə rəsmiləri husilərin hücumlarının hazırkı münaqişə mərhələsində artmasını İran İslam Respublikasının birbaşa təşviqi ilə əlaqələndirirlər.

Səudiyyə Ərəbistanının xarici işlər nazirinin müavini Tehran və Ər-Riyad arasında əlaqə kanallarının hələ də açıq olduğunu da vurğulayıb. “Biz İranla birbaşa əlaqə saxlamağa davam edirik”, — deyə o bildirib.

Bununla belə, Qarmali hazırda İran rəsmilərinin münaqişənin həlli üçün zəruri güzəştlərə getməyə hazır olduqlarını göstərən heç bir əlamətin olmadığını qeyd edib.

Səudiyyə Xarici İşlər Nazirliyinin rəsmisi, həmçinin husiləri son həftələrdə Səudiyyə Ərəbistanının Omanda sammit keçirmək təklifini rədd etməkdə ittiham edib.

Onun sözlərinə görə, münaqişənin son gərginləşməsi başlayanda Ər-Riyad husiləri danışıqlar aparmaq üçün Omanın paytaxtı Məsqətə dəvət edib, lakin təklif qəbul olunmayıb.

GUNAZ.TV

SON XƏBƏRLƏR