“Traxtur” Azadi stadionunda baş verən hadisələrdən sonra ən prinsipial görüşə hazırlaşır

SON XƏBƏRLƏR

“Traxtur” Azadi stadionunda baş verən hadisələrdən sonra ən prinsipial görüşə hazırlaşır

2021.10.20, 07:36

Gunaz.tv

GünAz TV: Ötən cümə günü Tehranın Azadi stadionunda Azərbaycana qarşı edilən ədəbsiz hərəkətdən sonra “Traxtur” Tehranın “İstiqlal” komandası ilə görüşə hazırlaşır.

Bu görüş İranda kütləvi etiraz aksiyalarının getdiyi günlərə təsadüf etdiyindən, həmçinin “Perspolis”lə görüşdə baş verən hadisələrdən sonra ilk görüş olması, və rəqibin məhz “İstiqlal” komandası olması baxımından xüsusi əhəmiyyət kəsb edir.

Görüş yanvarın 5-i yerli vaxtla saat 14:30-da Təbrizin Səhənd stadionunda keçiriləcək.

“Traxtur” tərəfdarları ötən həftə Tehranda “Perspolis”lə görüşdə səsləndirilən təhqiramiz şüarlara cavab olaraq oyunun 10-cu dəqiqəsində “Azərbaycan ədəb diyarıdır – “Traxtur” iftixarıdır” şüarı səsləndirəcəklər.

Görüş zamanı həmçinin “Qeyrət şərəf bizimdir, yaman demək sizindir”, “Urmu gölü dolmadı, türki (türk dili) rəsmi olmadı”, “Urmu gölü can verir, dovlət onun qətlinə fərman verir” və s. kimi şüarlar da səsləndiriləcək.

Təbrizli məşhur aktyor Nasir Haşimi də yanvarın 5-də keçiriləcək görüşdə hər kəsi mədəni şəkildə “Traxtur”a dəstək verməyə çağırıb.

Ötən cümə günü Tehranın Azadi satadionunda bu şəhərin “Perspolis” və Təbrizin “Traxtur” futbol komandaları arasında keçirlən görüş zamanı meydan sahibinin 60 min fars tərəfdarı öncədən planlaşdırılmış bir şəkildə Azərbaycan türk millətinin ünvanına təhqiramiz şüar və söyüşlər səsləndiriblər. Bu hadisəyə “Traxtur” klubu ilə yanaşı bir çox yerli məsul rəsmi şəkildə etiraz edib. Buna baxmayaraq “Perspolis” Futbol Federasiyasının İnzibati Komitəsi tərəfindən yalnız bir görüşdə tamaşaçı (azarkeş) dəstəyindən məhrum edilib.

N.S

GUNAZ.TV

SON XƏBƏRLƏR