Contact Us

SON XƏBƏRLƏR

Ruhani: “Ölkədə elmin islamiləşdirilməsi uğrunda aparılan bütün cəhdlər məğlubiyyətə uğrayıb”

2021.10.20, 07:36
Ruhani: “Ölkədə elmin islamiləşdirilməsi uğrunda aparılan bütün cəhdlər məğlubiyyətə uğrayıb”

Gunaz.tv

GünAzTV: İran prezidenti Həsən Ruhani fevralın 24-də Tehranda keçirilən bir tədbirdə çıxış edərək, orta və ali məktəblərdə müxtəlif fənnlərin islamiləşdirilməsi uğrunda aparılan cəhdlərin nəticəsiz qalmasını etiraf edib.

 

Ruhani bildirib ki, son 40 ildə elmin müxtəlif sahələrinin, o cümlədən də orta və ali təhsil ocaqlarında ayrı-ayrı fənnlərdən ibarət dərsliklərin islamiləşdirilməsinə ayrılan külli miqdarda vəsait hədər gedib, bu yolda aparılan fəaliyyətlər nəticəsiz qalıb: “Hesab edirik ki, elm, elmdir və onu hansısa bir ideologiyaya bağlamaq və onu çərçivəyə salmaq mümkün deyil. Necə ki, elmin sosializm və burjuaziya elmlərinə bölüşdürülməsi uğrunda aparılan səylər də məğlubiyyətə uğradı.

 

Təəssüflər olsun ki, ölkədə bəzi cərəyan və qruplar uzun illər çalışdılar ki, riyaziyyatı, fizikanı, kimiyanı və digər fənnləri islamiləşdirsinlər. Bunun üçün külli miqdarda vəsait və vaxt da  sərf olundu. Lakin sonunda bu cəhdlərin heç biri nəticə vermədi və bu ideya məğlubiyyətə uğradı.  Bu ideyanı təbliğ edən cərəyanlar deyirlər ki, bizim heç bir universitetə və yeni elmlərə ehtiyacımız yoxdur, çünki bütün ehtiyaclarımızı dini hövzələrdən (mollaxanalardan, molla yetşdirən dini mərkəzlərdən) təmin edə bilərik.

 

Başqa bir cərəyan da, bütün elmlərin kökünün islamdan qaynaqlandığını sübut etməyə çalışır və elmin hər bir sahəsini islamla əlaqələndirmək üçün cürbəcür ayə və rəvayətlər uydurmağa çalışırdılar. Lakin bu cəhdlər də nəticəsiz qaldı və bu yolda aparılan bütün səylər məğlubiyyətə uğradı”.

 

Qeyd edək ki, son illər, İranın dini lideri axund Əli Xamneyi müxtəlif çıxışlarında orta və ali təhsil ocaqlarında tədris olunan humanitar elmləri kəskin tənqid edərək, onları Qərb mədəniyyətini və onun düşüncə tərzini ölkədə yaymaqda günahlandırıb. Xamneyi, müxtəlif çıxışlarında həmin elmlərin və dərsliklərin islamiləşdirilməsinə təkid etsə də, bu yolda aparılan bütün cəhdlər istənilən nəticəni verməyib.

 

A.M

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar