Contact Us

SON XƏBƏRLƏR

Tikantəpədə isfahanlı mədənçilərə etiraz edən kəndlilər saxlanılıb

2021.10.20, 07:36
Tikantəpədə isfahanlı mədənçilərə etiraz edən kəndlilər saxlanılıb

Gunaz.tv

GünAz TV: Qərbi Azərbaycan Əyalətində yerləşən Tikantəpə şəhərinin “Baş Ağbulaq” kəndinin əkinçi əhalisi torpaqlarının isfahanlı mədənçilər tərəfindən təxrib edilməsinə etiraz bildiriblər.

 

Məlumata görə, kəndlilər əkin sahələrinin yerli olmayan mədənçilər tərəfindən texnika ilə qazılıb təxrib edilməsinə qarşı etiraz yığıncağı keçirib. Tikantəpənin polis qüvvələri isə kəndlilərin etiraz yığıncağına hücum edərək onlardan bir neçəsini yaxalayıb. Etirazçılardan mədənçilərin işinə mane olmamaqla bağlı imza alınıb, onlar bir neçə saat sonra sərbəst buraxılıb. Hadisə mayın 2-də baş versədə, bu barədə xəbər yenicə yayılıb.

 

İsfahanlı mədənçilərin qazıntı işləri apardığı ərazi tarixi əsər kimi İranın Mədəni İrs Təşkilatı tərəfindən qeydə alınıb. Buna baxmayaraq mədənçilər hökumət adamları arasında olan nüfuzlarından istifadə edərək qiymətli daşlar tapmaq məqsədi ilə bu ərazidə qazıntı işləri aparır. Həmin ərazi “Cin daşı” adlanır və “Ağbulaq” kəndinin 400 metrliyində yerləşir.

 

“Zirehşuran” və “Ağdərə” kimi zəngin qızıl mədənləri olan Tikantəpə şəhəri iqtisadi baxımdan ölkənin ən yoxsul şəhərlərindən biri sayılır. Bu şəhərin mədənləri hökumətə yaxın olan şirkətlərə tapşırılıb. Şirkətlər İranın fars bölgələrinə aid olduğu üçün Azərbaycan mədənlərində əldə olunan məhsulları xammal kimi digər əyalətlərə daşıyırlar.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar