Contact Us

SON XƏBƏRLƏR

İranın Rusiyadakı keçmiş səfiri: İran parçalanacaq – VİDEO

2021.10.20, 07:36
İranın Rusiyadakı keçmiş səfiri: İran parçalanacaq – VİDEO

Gunaz.tv

GünAz TV: İranın Rusiyadakı keçmiş səfiri Nasir Nobəri ölkəsinin parçalana biləcəyi barədə çıxış edib.

 

Keçmiş səfirin çıxışını əks etdirən videoda bölgədə, o cümlədən İraq Kürdistanında gedən proseslərin İranın parçalanmasına zəmin yaratdığına işarə olunub.

 

Amerika Birləşmiş Ştatlarının iqtisadi sanksiyalarının İranın parçalanmasına hesablandığını deyən keçmiş səfir bütün düşərgələri diqqətli olmağa çağırıb. O bildirib ki, “iqtisadi tənəzzül və məişət problemlərinin həlli naminə məlum proseslərə qoşulmaq sonda İranın parçalanması ilə nəticələnəcək.”

 

İranda fars şovinizminin zülmü altında yaşayan millətlərin müstəqillik əldə etməsinə qarşı danışan Nasir Nobəri İranın parçalanması haqda bir neçə dəfə xəbərdarlıq edib.

 

Son vaxtlar İranın parçalanması ilə bağlı açıqlamalara tez-tez rast gəlinir. Bu fikirlər universitet müəllimlərindən tutmuş millət vəkilləri tərəfindən səsləndirilir. Siyasətçilərin əksəriyyəti Güney Azərbaycanda gedən ictimai-siyasi proseslərin sonda türk millətinin müstəqilliyi ilə yekunlaşacağından əndişələnir.

 

Bundan əvvəl Tehranın İran parlamentindəki millət vəkili İlyas Həzrəti bu barədə bildirmişdir ki, “azərbaycanlıların maksimum tələbləri ölkə Konstitusiyasına uyğun olaraq məktəblərdə ana dilinin tədrisi ilə bağlıdır. Onlar konstitusiyada olmayan bir tələb irəli sürmür, sadəcə 15 və 19-cu maddənin icrasını tələb edirlər. Bu tələb təmin olunmasa, Azərbaycanın gələcəyi qeyri-müəyyən olacaq.”

 

Tehran Universitetinin siyasi elmlər üzrə professoru, islahatçılar düşərgəsinə yaxın məşhur politoloq Sadiq Zibakəlam da İranda mərkəzi hökumətin süquta uğramasından nigaran olduğunu bildirmişdir. O qeyd etmişdir ki, “Allah eləməsin, Tehranda mərkəzi hökumət süqut edərsə, bu dəfə yalnız kürd məsələsi deyil, Azərbaycanda da problem yaşanacaq. Ona görə ki, orada millətçilik düşəncəsi geniş şəkildə yayılıb...”

 

Tehran Universitetinin müəllimi İlahə Kolayi isə İrandakı siyasi-iqtisadi vəziyyəti keçmiş Sovet İttifaqının son illəri ilə müqayisə edərək İranın Sovet İttifaqı kimi dağılacağını bildirmişdir.

 

Video:

https://www.youtube.com/watch?time_continue=19&v=pPYIaxKW6Zs

 

N.S

 

Açar Sözlər :

SEÇİLMİŞ XƏBƏRLƏR

Çox oxunanlar