Urmiyənin qədim Teleradio binası muzey olmaq əvəzinə qoyun quzu tövləsinə çevirilib

SON XƏBƏRLƏR

Urmiyənin qədim Teleradio binası muzey olmaq əvəzinə qoyun quzu tövləsinə çevirilib – VİDEO / GÖRÜNTÜ

2021.10.20, 07:36

Gunaz.tv

GünAz TV: Qərbi Azərbaycan Əyalətinin mərkəzi şəhəri olan Urmiyənin qədim Teleradio binası qoyun quzu tövləsinə çevrilib.

Ölkənin ən qədim yerli Teleradio binasının muzeyə deyil, tövləyə çevrilməsi çoxlarını təəccübləndirib. Lakin bu hadisə, İran rejiminin Güney Azərbaycanın tarixi məkanlarına qərəzli münasibətini bilən yerli əhali üçün adi haldır.

Sero yolu istiqamətində Urmiyə şəhərinin girişində yerləşən bina İranın yerli televiziya mərkəzi olmaqla yanaşı, xüsusi memarlıq üslubuna da malikdir. Bina Pəhləvi rejimi dövründə memarlıq ixtisası üzrə mütəxəssis Dr.Cahangir Dərvişin nəzarəti altında tikilib.

“Təsnim” xəbər agentliyinin yaydığı məlumatda bildirilir ki, “2016-ci ilin fevral ayında binada təmir-bərpa işlərinin aparılacağına dair qərar qəbul olunub. Qeyd olunub ki, bina Urmiyə Bələdiyyə İdarəsi və Qərbi Azərbaycan Mədəni İrs Təşkilatı tərəfindən bərpa olunduqdan sonra muzey kimi istifadəyə veriləcək və ya binadan böyük tədbirlər, beynəlxalq konfranslar və seminarların keçirilməsi üçün istifadə olunacaq.”

“Bina uzun illərdir ki, özbaşına buraxılıb. Orada nəin ki, təmir-bərpa işləri aparılmadı, hətta diqqətdən kənarda qaldığı üçün, ərazi qoyun quzunun otladığı, narkomanların toplaşdığı, sahibsiz küçə itlərinin cəmləşdiyi yerə, sonda isə qoyun quzu tövləsinə çevrildi”- deyə məlumatda qeyd olunub.

Xəbər agentliyi Teleradio binansının uzun müddət diqqətdən kənarda qalması barədə qeyd edib ki, “milyardlar tümən dəyəri olan qədimi bir binanın bu vəziyyətdə buraxılmasının kimə sərf etdiyi maraq doğurur. Görəsən İranın birinci yerli Teleradio binası ilə əlaqədar hansısa müamilə edilib?! Bu işin pərdə arxasında kimlər var?!”

Hər millətin tarixi əsərləri, o millətin kimliyinin sənədi hesab olunur. Mədəni İrs Təşkilatı bütün gücü ilə bu əsərləri qoruyub saxlamalıdır, lakin Urmiyənin Teleradio binası Azərbaycanın yüzlərlə digər tarixi əsəri kimi məhv edilərək sıradan çıxarılmaqdadır.

Video:

https://www.youtube.com/watch?v=_7xM5QJZrOY