İranda “qızıl sikkə sultanı” ləqəbi ilə tanınan şəxs və həmkarı edam edilib

SON XƏBƏRLƏR

İranda “qızıl sikkə sultanı” ləqəbi ilə tanınan şəxs və həmkarı edam edilib

2021.10.20, 07:36

Gunaz.tv

GünAzTV: İranda “Qızıl sikkə sultanı” ləqəbi ilə tanınan Vəhid Məzlumin və həmkarı Məhəmməd İsmayı Qasimi edam edilib.

İran Ali Məhkəməsi, hər iki müttəhimə inqilab məhkəməsi tərəfindən çıxarılan ölüm hökmünü bir ay əvvəl təsdiqləmişdi. İran saytlarının yaydığı məlumata əsasən, hər iki müttəhim, noyabrın 14-ü sübh saatlarında bir sıra məhkəmə orqanları rəsmilərinin iştirakı ilə Tehranda dara çəkilib. Ölüm hökmünün Evin zindanında icra edildiyi təxmin edilir. Edam prosesinin gedişatı və müttəhimlərin ailə üzvlərinin edam mərasiminə buraxılıb-buraxılmaması açıqlanmayıb.

İran Məhkəmə Sistemi rəisinin birinci müavini Qulamhüseyn Möhsüni Ejei oktyabrın 21-də jurnalistlərə açıqlamasında ölümə məhkum edilmiş hər iki şəxsə qarşı irəli sürülən ittihamları açıqlamışdı: “Bu şəxslər, qanunsuz valyuta və qızıl sikkə ticarəti şəbəkələri yaradaraq, ölkənin iqtisadi sisteminə xələl gətirməkdə, valyuta və qızıl sikkə bazarında böhran yaşanmasına səbəb olmaqda, ölkənin iqtisadi sisteminə xələl gətirməkdə və yer üzündə fəsad törətməkdə günahlandırılıb.

Ejei, öz açıqlamasında ölkənin qızəl sikkə bazarında yaranmış böhrana görə ümumilikdə 15 nəfərin həbs və mühakimə edildiyini, onlardan ikisinin edama, qalanlarının isə həbs və naqd pul cəriməsinə məhkum edildiyini bildirmişdi.

Xatırladaq ki, bir neçə ay əvvəl, İranın hökumət saytları “qızıl sikkə sultanı” adı ilə tanınan əsas müttəhim, Vəhid Məzluminin 2 tonluq qızıl sikkə ilə bərabər həbs edilməsi barədə məlumat yaymışdılar. Bildirilir ki, hakimiyyət orqanlarında çalışan bəzi tanışları vasitəsilə valyuta və qızıl sikkə bazarı ilə bağlı qəbul ediləcək qərarlardan əvvəlcədən xəbərdar olan Vəhid Məzlumin, tərəfdaşları ilə birlikdə sikkə bazarında olan bütün qızıl sikkələri alaraq, onların qiymətini özləri təyin etməklə, ölkə iqtisadiyyatına ciddi xələl gətiriblər.

A.M

GUNAZ.TV

SON XƏBƏRLƏR