ETTELAT valyuta fırıldaqçılarını tutduğu barədə məlumat yayıb

SON XƏBƏRLƏR

ETTELAT valyuta fırıldaqçılarını tutduğu barədə məlumat yayıb

2021.10.20, 07:36

Gunaz.tv

GünAz TV: İran Kəşfiyyat Nazirliyi- ETTELAT ölkədə maliyyə fırıldaqçılığı və çirkli pulların yuyulması ilə məşğul olan dəstə üzvlərini tutduğu barədə bəyanat yayıb.

Bəyanatda bildirilir ki, daxil olan məlumata əsasən, Nazirliyin yaratdığı operativ əməliyyat qrupunun Kürdüstan vilayətində keçirdiyi əməliyyat nəticəsində ölkədən külli miqdarda valyutanın çıxarılması ilə məşğul olan dəstə üzvləri saxlanılıb.

Həbs edilənlərin çirkli pulların yuyulması əməliyyatları həyata keçirdikləri bildirilir. Belə ki, onlar xaricdən ölkəyə müxtəlif məhsulların idxal edilməsi adı ilə İrandan 4 milyard 700 min tümən həcmində pulu çıxarıb, daha sonra bu vəsaitləri adları çəkilməyən ölkələrdə investisiya qoyuluşunda istifadə ediblər.

Eləcə də, şəbəkə əldə etdiyi pullatı ofşor şirkətlərin biznes kartları, gündəlik təlabat mallarının idxal edilməsi üçün nəzərdə tutulan sifariş qeydiyyatı əməliyyatlarının aparılması üçün olan qaimələrin saxtalaşdırılması və rüşvət verməklə banklardan alırmış. Nazirlik həbs edilənlərin adlarını açıqlamayıb.

Qeyd edək ki, tez-tez Qərb tərəfindən İranda hakimiyyət orqanları və vəzifəli şəxslər tərəfindən pulyuma əməliyyatları və maliyyə fırıldaqçılığının aparıldığı və əldə edilən pulların xaricdə fəaliyyət göstərən terror qruplaşmalarına verildiyi barədə hesabatlar yayımlanır. İranın Xarici İşlər Naziri Məhəmməd Cavad Zərif də bir müddət bundan əvvəl ölkədə bəzi vəzifəli şəxslərin pulyuma ilə məşğul olaraq milyardlar qazandığını demişdi. Zərifin bu çıxışı İranda böyük səs-küyə sahib olmuşdu. Bu səbəbdən ETTELAT-ın həbs etdiyi şəxslərin dövlət orqanları əməkdaşları olduğu istisna edilmir.

Ə.A

GUNAZ.TV

SON XƏBƏRLƏR