Məşhəd-Tehran sərnişin təyyarəsində texniki nasazlıq yarandığına görə, təyyarə təcili eniş edib

SON XƏBƏRLƏR

Məşhəd-Tehran sərnişin təyyarəsində texniki nasazlıq yarandığına görə, təyyarə təcili eniş edib

2021.10.20, 07:36

Gunaz.tv

GünAzTV: Məşhəd-Tehran marşrutu üzrə uçan “Airbus 300” tipli sərnişin təyyarəsində texniki nasazlığq yarandığına görə, təyyarə təcili geri dönüb.

Bu barədə, Məşhədin “Şəhid Haşimi Nejad” beynəlxalq hava limanının ictimaiyyətlə əlaqələr bölməsinin rəisi Həsən Cəfəri jurnalistlərə açıqlama verib.

Onun dediyinə görə, hadisə yanvarın 14-ü axşam saatlarında baş verib. Yerli vaxtla saat 17:56 radələrində Məşhəd hava limanından 170 sərnişinlə havaya qalxan təyyarənin uçuşdan az sonra sağ mühərriki sıradan çıxıb. Nəticədə, təyyarə geri dönərək, Məşhəd hava limanında təcili eniş edib. Təyyarənin göyərtəsində olan sərnişinlər sağ-salamat yerə endirilsələr də, onların dəhşət dolu anlar yaşadığı bildirilir.

Xarırladaq ki, son iki həftədə, İranda bir neçə təyyarə qəzası baş verib. Yanvarın 3-də, “ATA Air” aviaşirkətinə məxsus Məşhəd-Təbriz marşrutu ilə uçan sərnişin təyyarəsi Təbrizin “Şəhid Mədəni” hava limanına yerə enərkən, onun 3 təkəri partlayıb. Baş vermiş ciddi texniki nasazlığa baxmayaraq, pilot təyyarəni hər hansı bir faciə baş vermədən çətinliklə də olsa yerə endirə bilib.

Yanvarın 14-də isə, Qırğızıstan paytaxtı Bişkekdən havaya qalxan İran ordusu hava qüvvələrinə məxsus “Boeing-707” yük təyyarəsi İranın Əlbürz əyalətinin Kərəc şəhəri yaxınlığında qəzaya uğrayıb.

Hadisə, yerli vaxtla sübh saat 08:30 radələrində İranın Kərəcin Səfadəşt məntəqəsində baş verib. Səfadəştin “Fəth” hava limanında yerə enərkən təyyarədə texniki nasazlıq yaranıb. Nəticədə, eniş zamanı təyyarə uçuş-eniş zolağından çıxaraq, ətrafdakı bir neçə yaşayış binsına çırpılıb. Qəza zamanı təyyarənin göyərtsəində olan 16 nəfərdən 15-i ölüb, 1-i yaralanıb.

Qeyd edək ki, İranın əksər sərnişin təyyarələri artıq çoxdan sıradan çıxmış və bəzən 70-ci illərdə keçmiş şah hakimiyyəti dövründə Qərb ölkələrindən alınmış köhnə təyyarələrdir. Amerikanın rəsmi Tehrana qarşı tətbiq etdiyi sanksiyalara görə, İran Qərb ölkələrindən yeni təyyarələr və ya onların ehtiyat hissələrini ala bilmir. Nəticədə, son illər İranda təyyarə qəzalarının sayı xeyli dərəcədə artıb.

A.M

GUNAZ.TV

SON XƏBƏRLƏR