Contact Us

SON XƏBƏRLƏR

Misbah Yəzdi: “Dünya liderlərindən fərqli olaraq, Əli Xamneyi səhvsizdir”

2021.10.20, 07:36
Misbah Yəzdi: “Dünya liderlərindən fərqli olaraq, Əli Xamneyi səhvsizdir”

Gunaz.tv

GünAz TV: “İmam Xomeyni Təhsil Müəssisəsi”nin sədri, axund Məhəmmədtağı Misbah Yəzdi 30 illik dini liderlik dövründə Əli Xamneyinin fəaliyyətini “qüsursuz” adlandırıb.

 

O, inqilabdan öncəki dövrün “təhlükəli” və “etibarsız” olduğunu deyib. Axund iddia edib ki, hazırda ölkədə hər kəs istənilən siyasi lideri “rahatlıqla tənqid edə bilər”.

 

“Hətta Ruhullah Xomeyni üçün fərq etmirdi insanlar ona ölüm olsun şüarları səsləndirirlər, ya yaşa. O, ancaq öz vəzifəsini yerinə yetirməklə məşğul idi”- deyə axund əlavə edib.

 

Misbah Yəzdi həmçinin ölkəsinin Amerikaya qarşı düşmənçilik siyasəti yürütməsindən fəxarət hissi duyduğunu deyib. O, Amerika prezidentinin düşmən ölkə adını çəkərkən Çinin və ya Rusiyanın deyil, İranın adını hallandırmasını da “böyük fəxr” adlandırıb.

 

Axund çıxışının davamında iddia edib ki, dünya ölkələrinin rəhbərləri saysız-hesabsız səhvlər etsə də, Əli Xamneyi 30 illik dini liderlik müddətində “1 dəfə də olsun, ən adi səhv belə etməyib”.

 

Misbah Yəzdinin iddiasına baxmayaraq, Əli Xamneyinin özü ötən il nüvə razılaşmasını tənqid edərkən dövlətə Qərblə nüvə müzakirələrinə icazə verməklə, böyük səhv etdiyini demişdi.

 

“Nüvə razılaşması səhv idi. Müzakirələr mövzusunda səhv etdim və rəsmilərin təkidləriylə buna razılıq verdim. Bununla müəyyən olunmuş qırmızı xətləri də keçdim”- deyə Xamneyi insanlarla görüşü zamanı bildirmişdi.

 

"Dini lider"in bu sözləri böyük qalmaqala səbəb olduğundan, ofisi məsələ ilə bağlı bəyanat verməyə məcbur olmuşdu. Bir neçə saat sonra isə onun dediklərinin böyük hissəsi media orqanlarında dərc edilmiş xəbərlərdən silinmişdi.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar