Koronavirus İrandan Küveyt və Bəhreynə yayılıb

SON XƏBƏRLƏR

Koronavirus İrandan Küveyt və Bəhreynə yayılıb

2021.10.20, 07:36

Gunaz.tv

GünAz TV: Küveyt və Bəhreyn rəsmiləri İrandan bu ölkələrə səfər edən bir neçə nəfərdə koronavirusun aşkarlandığını təsdiqləyiblər.

Məlumata əsasən, bir neçə gün öncə İrandan Küveytə qayıdan 3 nəfərdə koronavirus aşkarlanıb. Bundan sonra Küveyt İranda gediş-gəliş əlaqələrini tamamilə kəsməklə bağlı qərar verib.

Bəhreyn hökumətinin yaydığı məlumatda isə İrandan bu ölkəyə gələn bir nəfərdə sözügedən öldürücü virusun aşkarlandığı bildirilir.

Hər iki ölkənin rəsmiləri virusa yoluxmuş şəxslərin hansı ölkə vətəndaşları olduğunu və İrana nə vaxt səfər etdiklərini açıqlamayıblar. Bununla belə, bəzi media orqanlarında yayılan xəbərlərə görə, Küveytdə xəstəliyin aşkarlandığı 3 şəxs bu ölkənin vətəndaşlarıdır və bir neçə gün öncə İranın Məşhəd şəhərinə səfər ediblərmiş.

Digər tərəfdən, Əfqanıstan hökuməti bu ölkədə 3 nəfərin koronavirusa yoluxması ehtimalından sonra Tehranda konsulluq xidmətini qeyri-müəyyən vaxta qədər dayandırdığını bəyan edib. Həmin 3 şübhəli şəxsdən 1-nin isə virusa yoluxduğu məlum olub.

Türkiyə isə İranla sərhəd buraxılış məntəqələrini və dəmir yolları əlaqələrini kəsməklə yanaşı, uçuşları da birtərəfli edib. Artır İran vətəndaşları Türkiyəyə hava yolu ilə də gedə bilməyəcəklər.

Ermənistan və Gürcüstan da İranla aralarında uçuşları ləğv ediblər. Ermənistan həmçinin bu ölkə ilə olan mərkəzi sərhəd buraxılış məntəqəsini də bağlayıb. Ötən gün Azərbaycan Respublikası, Türkmənistan, Pakistan və İraq da İranla sərhədləri bağlayıblar.

Ə.A

GUNAZ.TV

SON XƏBƏRLƏR