Qərbi Azərbaycan və Qəzvin əyalətlərində koronavirusa yoluxlanların sayı kəskin artıb

SON XƏBƏRLƏR

Qərbi Azərbaycan və Qəzvin əyalətlərində koronavirusa yoluxlanların sayı kəskin artıb

2021.10.20, 07:36

Gunaz.tv

GünAz TV: Güney Azərbaycanda koronavirus böhranı dərinləşərək davam edir.

Ötən günlərdə ölkənin digər əyalətlərinə nisbətən koronavirusun az yayıldığı deyilən Qərbi Azərbaycanda virusa yoluxanların sayında sıçrayış olub.

Bu barədə Qərbi Azərbaycan Tibb Universitetinin rəisi Dr. Cavad Ağazadə “İsna” xəbər agentliyinə məlumat verib.

O son 24 saat ərzində virusa yoluxanlara 13 nəfərin əlavə olunduğunu bildirib.

Tibb univesitetinin rəisinin sözlərinə görə, Qərbi Azərbaycanda koronavirusa yoluxanların sayı 55, bu virusdan ölənlərin sayı isə 2 nəfərə çatıb.

Dr. Cavad Ağazadə qarşıdakı həftə ərzində koronavirus şübhəsi ilə xəstəxanalara müraciət edənlər və analiz cavabının müsbət olacağı xəstələrin sayında artım gözlənildiyini bildirib. O böhrandan qurturmaq üçün hər kəsi imkan daxilində evdən şəhərə çıxmamağa çağırıb.

Bu arada Qəzvin Əyaləti üzrə Koronavirusla Mübarizə Mərkəzinin ictimaiyyətlə əlaqələr şöbəsinin rəisi Hüseyn Biniyaz Qəzvin Əyalətinin son günlərdə ölkədə koronavirus böhranı ilə bağlı birinci əyalətlər sırasında yer aldığını bildirib. O vurğulayıb ki, əhalinin bir hissəsinin önləyici tədbirlər və edilən tövsiyyələrə əməl etməməsi əyalətdə virus böhranının dərinləşməsinə səbəb olub.

Qeyd edək ki, elan olunan son məlumata görə, hal-hazırda Qəzvin Əyalətində 207 nəfərin koronavirusa yoluxduğu məlum olub. Virusa yoluxanlardan 14-ü ötən günlərdə həyatını itirib.

N.S

GUNAZ.TV

SON XƏBƏRLƏR