İran rəsmisi: "Dövlət Tehranın kasıblıq həddindən də aşağı səviyyədə yaşayan 45% əhalisinə yardım etməlidir"

SON XƏBƏRLƏR

İran rəsmisi: "Dövlət Tehranın kasıblıq həddindən də aşağı səviyyədə yaşayan 45% əhalisinə yardım etməlidir"

2021.10.20, 07:36

Gunaz.tv

GünAz TV: Tehran Şəhər Şurasının Mədəniyyət Komissiyasının sədri Məhəmməd Cavad Haqşenas bildirib ki, koronavirusun yaratdığı maddi çətinlikləri nəzərə alaraq, dövlət paytaxtın kasıblıq həddindən də aşağı səviyyədə yaşayan 40- 45% əhalisinə müavinətlər verməlidir.

Onun sözlərinə görə, Tehranın rayonları və qəsəbələrində milyonlarla kasıb vətəndaş yaşayır və onların mövcud vəziyyətdə dövlətdən sosial yardımlar almaqdan başqa çıxış yolları yoxdur.

Rəsmi "Müstəzəfan Fondu" və Tehran bələdiyyəsinin pandemiyadan zərər görən 5 min səyyar satıcıya maddi kömək göstərməklə bağlı planını yetərsiz adlandırıb.

"5 min nəfər Tehran əhalisini nəzərə aldıqda, çox cüzi rəqəmdir. Tehranda təkcə gecələri küçələrdə karton üzərində yatanların sayı 5 mindir", - deyə Məhəmməd Cavad Haqşenas əlavə edib.

O, həmçinin dövləti bir daha koronavirusa yoluxanlar və bu epidemiyadan ölənlərlə bağlı doğru, eləcə də əyalətlər üzrə statistika təqdim etməyə çağırıb. Rəsminin sözlərinə görə, doğru və dəqiq statistika dövlətin düzgün qərarlar qəbul etməsinə zəmin yaradacaq.

Qeyd etmək lazımdır ki, koronavirusun yaratdığı iqtisadi çətinliklərə görə, dünyanın müxtəlif ölkələri, eləcə də Azərbaycan Respublikası öz vətəndaşlarına, sahibkarlara, mikro sahibkarlara və digər vətəndaşlara müxtəlif məbləğlərdə maliyyə yardımı göstərib. Lakin İran rejiminin məsulları bu ağır günlərdə də xalqa heç bir dəstək göstərmir. Əli Xamneyi nəzarətində olan fondlarda 100 milyard dollardan çox pul olmasına baxmayaraq, bu vəsaitlərdən xalqa çətin vəziyyətdə dəstək olmaq üçün cüzi məbləğ belə ayırmaq istəmir.

Ə.A

GUNAZ.TV

SON XƏBƏRLƏR