Contact Us

SON XƏBƏRLƏR

Güney Azərbaycan şəhərlərində müəllimlərin etiraz aksiyası davam edir-VİDEO

2021.12.23, 11:51
Güney Azərbaycan şəhərlərində müəllimlərin etiraz aksiyası davam edir-VİDEO

Gunaz.tv

İran Təhsil İşçiləri Kordinasiya Şurasının növbəti çağırışı əsasında baş tutan aksiyalarda Təbriz, Zəngan, urmu, Ərdəbil və b. şəhərlərdə müəllimlər yenidən rütbələndirmə qanununun icra olunmasını, əmək haqlarının artırılmasını və təqaüdlərin bərabərləşdirilməsini tələb ediblər.  

İranın başqa bir neçə şəhəri ilə eyni vaxtda keçirilən aksiyalarda təhsil işçilərin həbs olunan müəllimlərin azad edilmələrini, öyrənci və şagirdlərin təhsillərini davam etdirmələrinə şərait yaradılmasını da istəyirlər. 

"Məhbus müəllimlər azad edilməlidir" şüarları səsləndirən təhsil işçiləri hökuməti müəllimlərə qarşı təzyiqlərə son qoymağa çağırıblar.

Aksiyaların gün ərzində başqa şəhərlərdə də keçiriləcəyi, təhsil işçilərinin Təhsil İdarələri və valilik binaları qarşısına toplaşacaqları ilə bağlı sosial mediada bildirişlər yayılıb.

Bundan öncə dekabrın 12-də Güney Azərbaycanın Təbriz, Urmu, Ərdəbil, Qəzvin, Həmədan, Zəncan. Culfa və bir çox başqa şəhərində müəllimlər iş yerlərində tətil aksiyasına əl ataraq tələblərinin təmin olunmamasına etirazlarını bildirmişdilər.

Qeyd edək ki, noyabrın 11-də İran Təhsil İşçiləri Dərnəkləri Koordinasiya Şurasının dərc etdiyi ümumölkə mitinqinin yekun bəyanatında təhsil işçiləri və təqaüdçülər üçün “Dövlət Qulluğunun İdarə

Edilməsi haqqında”qanunun icrasının 14 il gecikdirilməsi, etiraz aksiyası keçirmək hüququnun pozulması tənqid edilib.

Sənəddə etirazçılara qarşı sərt təhlükəsizlik tədbirlərinin tətbiq edilməsi, uzunmüddətli həbslər, döyülmə, ölkədən qovulma, deportasiyaya və müxtəlif məhrumiyyətlərə məruz qalmaları da qınanıb.  

 

Açıklama yok.

Açıklama yok.

C.E

Açar Sözlər :

SEÇİLMİŞ XƏBƏRLƏR

Çox oxunanlar