Hüseyn Əmir Abdullahiyan: “Amerika sanksiyaları ləğv edəcəyi barədə ciddi zəmanət verməlidir”

SON XƏBƏRLƏR

Hüseyn Əmir Abdullahiyan: “Amerika sanksiyaları ləğv edəcəyi barədə ciddi zəmanət verməlidir”

2022.01.07, 11:39

Gunaz.tv

Vyanada Qərblə danışıqlar aparan İran nümayəndə heyətinin ölkəyə qarşı tətbiq edilən bütün sanksiyaların ləğv olunması ilə bağlı tələbini bir daha təkrar edən Abdullahiyan deyib ki, Amerika hər hansı yeni bir razılaşmadan əvvəl İrana qarşı tətbiq etdiyi sanksiyaları ləğv etməlidir.

“Amerika Birləşmiş Ştatları ölkəmizə qarşı tətbiq etdiyi sanksiyaları ləğv edəcəyi barədə bizə ciddi zəmanət verməli, bu istiqamətdə əməli addımlar atmalıdır.

Hesab edirik ki, Vaşinqton ölkəmizə tətbiq etdiyi sanksiyaları aradan qaldırmaqla İran neftinin azad və problemsiz satışına və onun satışından əldə edilən gəliri əldə etməsinə imkan yaratmalıdır.

Hazırda isə biz Amerika tərəfi ilə danışıqlar prosesini asanlaşdırmaq üçün qeyri-rəsmi olaraq təmaslar yaratmışıq.

Son vaxtlar isə biz Vyanada Amerika tərəfinin bəzən ümidverici mövqe sərgiləməsinin şahidi olmuşuq.

Lakin buna baxmayaraq, bizim üçün önəm daşıyan məsələ əməldir və hesab edirik ki, Vaşinqton bu istiqamətdə əməli addımlar atmalıdır”, -deyə İranın xarici işlər naziri Hüseyn Əmir Abdullahiyan “Əlcəzirə” telekanalına müsahibəsində bildirib.

Abdullahiyan öz müsahibəsində həmçinin Tehranla Ər-Riyad arasındakı diplomatik əlaqələri normallaşdırmaq üçün Bağdadda aparılan müzakirələrə də toxunub.

O iddia edib ki, İranla Səudiyyə Ərəbistanı diplomatik əlaqələrini normallaşdırmağa hazırdır.
“Bizim Səudiyyə Ərəbistanı ilə apardığımız danışıqlar prosesi müsbət məcrada davam edir. Hesab edirik ki, həm Tehran, həm də Ər-Riyad istənilən zaman əvvəlki normal münasibətlərinə qayıtmağa hazırdır.

Yaxın günlərdə isə bizim nümayəndələrimiz Ciddədəki İslam Əməkdaşlıq Təşkilatına qayıdacaqlar. Bu isə düşünürəm ki, müsbət bir haldır”, -deyə Hüseyn Əmir Abdullahiyan bəyan edib.

A.M

GUNAZ.TV

SON XƏBƏRLƏR