İranda etiraz aksiyaları çoxalıb: "Bu, hökumətə xəbərdarlıqdır"-Millət vəkili

SON XƏBƏRLƏR

İranda etiraz aksiyaları çoxalıb: "Bu, hökumətə xəbərdarlıqdır"-Millət vəkili

2022.01.18, 12:02

Gunaz.tv

Əhməd Əlirzabeygi bunun hökumətə xəbərdarlıq olduğunu deyib.

“Son bir ildə etiraz aksiyaları artıb.

Bunların 90%-dən çoxu sinfi və işçilərin etiraz aksiyaları olub. Məsələnin mülayim şəkildə yola verilməsi cəhdləri olsa da bu həmişə nəticə vermir.

İsfahan hadisələrində aksiyaların sonunun zorakılıq və qarşıdurma ilə bitdiyinin şahidi olduq”-deyə, Əlirzabeygi bildirib.

“Aksiyaların tənzimlənməsi” haqqında qanunun müzakirəsinə həsr olunan toplantıda çıxış edən millət vəkili bu günə kimi aksiyalarla bağlı nəzərdə tutulan məsələlərin icra edilmədiyini deyib.

O, bildirib ki, konstitusiyanın 27-ci maddəsində etiraz aksiyalarına yanaşma tərzi kağız üzərində qaneedici olsa da, əməldə buna riayət olunmayıb.

Onun fikrincə, müxtəlif hökumətlər aksiyaların qarşısının alınmağına çalışıb, fərqli münasibət göstəriblər.

“Konstitusiyanın 27-ci maddəsində toplantı və aksiyaların islama qarşı və silahlı olmadığı təqdirdə azad olduğu bildirilir.

Ancaq bir sıra dövlət qurumlarının aksiyalara öz dünyagörüşlərinə uyğun yanaşması problemləri dərinləşdirir”-deyə, Əhməd Əlirzabeygi dövlət qurumlarının konstitusiyanın tələblərinə məhəl qoymadığını deyib.

C.E

GUNAZ.TV

SON XƏBƏRLƏR