"Azərbaycanın haqqını yeyərək həyasızlaşıblar"- Millət vəkili Kirmanın nümayəndəsinə cavab verdi

SON XƏBƏRLƏR

"Azərbaycanın haqqını yeyərək həyasızlaşıblar"- Millət vəkili Kirmanın nümayəndəsinə cavab verdi

2022.01.20, 13:12

Gunaz.tv

Allahverdi Dhqani mediaya verdiyi müahibədə Kirman nümayəndələrinin ədalətsiz çıxışlarına cavab verib.

“20 ildir Azərbaycan misini Kirmana daşıyırlar. Bu o qədər təkrar olub ki, artıq Azərbaycanın haqqını yeməyə alışıb və həyasızlaşıblar”-deyə, millət vəkili bildirib.

O, Təbrizin “Traxtur” və “Maşinsazi” futbol komandalarına Milli Mis Şirkətinin himayədarlıq etməsi məsələsinin gündəmdə olduğunu deyib. Onun sözlərinə görə, kirmanlıların bunun qarşısını almağa çalışırlar.

“Təbriz klublarının Milli Mis Şirkətinin himayəsinə verilməsilə bağlı qanuni proseslər davam edir və bu baş tutacaq. Ancaq biriləri buna qarşı çıxmaq istəyir.

Bu günə kimi bizə haqsızlıq edib, zor dili ilə danışıblar. Bundan sonra bunu edə bilməyəcəklər”-deyə, Dehqani kirmanlı nümayəndələrə və hökumət məmurlarına xəbərdarlıq edib.

Vərziğanlı millət vəkili Təbriz klublarının Mis Şirkətinin himayəsinə verilməsinin tam məntiqli olduğunu, özü və başqa azərbaycanlı əməkdaşlarının bunu dəstəklədiyini deyib.

O, klubun keçmiş başçısı Məhəmmədrza Zunuzinin yenidən kluba başçılıq edəcəyini söyləyib.

Qeyd edək ki, yanvarın 4-də Təbrizin İran parlamentindəki bir neçə nümayəndəsi, Milli Mis Şirkətinin rəhbəri, İranın Sənaye, Mədən və Ticarət nazirinin iştirakı ilə keçirilən toplantıda klubların “Süngün” mis mədəni şirkətinin himayəsinə verilməsi barədə anlaşma imzalanıb və şirkət klublara dəstək verəcəyini vəd edib.

Bundan sonra Kirmanın İran parlamentindəki nümayəndəsi Məhəmmədrza Puribrahimi və Rəfsəncanın nümayəndəsi Hüseyn Cəlali buna etiraz edib, mis şirkətinin gəlirlərinin Kirmana aid olduğunu iddia ediblər.

C.E

GUNAZ.TV

SON XƏBƏRLƏR