Contact Us

SON XƏBƏRLƏR

İran sosial mediasında Azərbaycana qarşı kampaniya başlayıb

2022.03.05, 08:22
İran sosial mediasında Azərbaycana qarşı kampaniya başlayıb

Gunaz.tv

Panfarsist cərəyanlara bağlı fəallar İranın Qafqazda yaranan güc boşluğundan istifadə edərək Naxcıvanı işğalı təklifini irəli sürüblər.

Ötən dövr İran parlamentinə namizədliyini verən və barmaq sayda səs topladığı üçün parlamentə düşə bilməyən Təbriz sakini olan siyasi elmlər və dövlət idarəçiliyi üzrə fəlsəfə doktoru Rza Müəzzinzadə, onunla eyni fikirdə olan şəxslər sosial mediada Naxcıvanla bağlı paylaşım ediblər.

“İran bölgədə yaranan fürsətdən (Rusiya-Ukrayna savaşı) və Qafqazda meydana gələn güc boşluğundan yararlana və xüsusi əməliyyat keçirərək Naxçıvan Muxtar Respublikasını uzun illər ana vətənindən (İran-red.) uzaq düşdükdən sonra sərgərdanlıqdan xilas edib vətənin qucağına qaytara və “xəyali pantürkçülük” dünyasını beşikdə boğa bilər”-deyə, yazıblar.

Qeyd edək ki, adı çəkilən şəxs və onun fikirdaşları Təbriz sakini olmalarına baxmayaraq miliyyətcə türk deyillər və İran İslam İnqilab Keşikçiləri Korpusu, İran təhlükəsizlik xidmətinin nəzarəti altında fəaliyyət göstərən panfarsist cərəyanlara yaxınlıqları ilə tanınırlar.

Bundan öncə, 44 günlük vətən müharibəsi zamanı adı çəkilən şəxslər Azərbaycan Ordusuna qarşı təxribatçı və həqiqətə uyğun olmayan paylaşımları edir, Ermənistana dəstək verirdilər.

C.E
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar