Qərbi Azərbaycanın polis rəisi mədəni fəalları "quldur" və "əncəbilərin əlaltısı" adlandırıb

SON XƏBƏRLƏR

Qərbi Azərbaycanın polis rəisi mədəni fəalları "quldur" və "əncəbilərin əlaltısı" adlandırıb

2022.07.17, 13:30

Gunaz.tv

İran İnqilab Keşikçiləri Korpusuna (SEPAH) bağlı yarım rəsmi "Fars" xəbər agentliyinin yazdığına görə, polis rəisi etirazçıları "əks-inqilabçı", "münafiq" adlandıraraq onların ümumi əmlaka ziyan vurmaq istədikləri üçün saxlanıldıqlarını iddia edib.

Cahanbəxş Urmu gölü ilə bağlı aksiyalara çağırışların "əcnəbilərə bağlı" və "xain qruplar" tərəfindən edildiyini iddia edərək onların vətəndaşların təhlükəsizliyinə xələl gətirmələrinə icazə verilməyəyəcəyini söyləyib.

O, bir çox etirazçının saxlanıldığını bildirib, sosial media fəalları və istifadəçilərini hədələyərək onlara qarşı ölçü götürüləcəyi bildirib.

"Təəssüflər olsun ki, bəzi insanlar bilmədən kiberməkanda gərginlik yaradan bu xəbərləri yenidən yayır və əslində belə xəbərlərlə vətəndaşların dincliyini pozurlar.

Bu gün kiber polisinə kiberməkanda həmin şəxslərin müəyyən edilərək məhkəmə sisteminə təhvil verilməsi tapşırılıb. Onlara qarşı qanuni tədbirlər görülməlidir"-deyə, Qərbi Azərbaycan əyalətinin polis rəisi internet istifadəçilərini təhdid edib.

Qeyd edək ki, iyulun 16-da Urmu gölünün qurumasına və hakimiyyətin ekoloji fəlakətin qarşısını almamasına etiraz etmək üçün Güney Azərbaycan şəhərlərində etiraz aksiyaları keçirilib.

Xüsusilə Urmu, Qoşaçay, Sulduz, Təbriz və Ərdəbil şəhərlərində baş tutan aksiyalar barədə İranın rəsmi mediası qərəzli məlumatlar yayıb.

Onlar etirazçılarıın bir neçə nəfər olduğunu, vətəndaşların təhlükəsizliyinə xələl gətirdiklərini və əcnəbi qüvvələrə, xarici dövlətlərə bağlı olduqlarını iddia ediblər.

Xatırladaq ki, aksiyalar zamanı həmişə olduğu kimi etirazçıların hər hansı qanunsuz, vətəndaşların təhlükəsizliyinə xələl gətirən və ümumi əmlaka ziyan vuran hərəkətləri qeydə alınmayıb və onlar dinc aksiya keçirərək ekoloji problemlə bağlı şüarlar səsləndiriblər.

Cavidan

GUNAZ.TV

SON XƏBƏRLƏR