İran İsveç vətəndaşını casusluq ittihamı ilə həbs etdi

SON XƏBƏRLƏR

İran İsveç vətəndaşını casusluq ittihamı ilə həbs etdi

2022.07.30, 09:40

Gunaz.tv

Kimliyi barədə açıqlama verilməyən isveçlinin bir neçə dəfə İrana səfər etdiyi, nəzarətdə saxlanılan bir neçə avropalı və qeyri-avropalı bir neçə şübhəli şəxslə əlaqə qurduğu deyilir.

ETTELAAT həbs etdiyi İsveç vətəndaşının bir neçə ay bundan öncə başqa bir avropalının həbsindən sonra, onun barəsində məlumat toplamaq üçün İrana səfər etdiyini, İrana gəlmədən öncə İsrailə getdiyinin müəyyən edildiyini iddia edib.

"O, son səfərində bütün sübutların toplandığına görə İrandan çıxarkən saxlanıldı"-deyə, ETTELAAT-ın bəyanatının sonunda bildirilib.

Kəşfiyyat Nazirliyi həmçinin İrana proxy casus göndərən ölkələrə xəbərdarlıq edib ki, bu təcrübəni davam etdirəcəkləri təqdirdə onlara müvafiq cavab veriləcək.

Həbs edilən İsveç vətəndaşının İrana səfər etmədən öncə İsrailə getdiyi barədə məlumatın qeyd olunması, onun İsrailə casusluqda ittiham olunacağına hazırlıq aparıldığına işarədir.

Qeyd edək ki, İsveç məhkəməsinin keçmiş iranlı prokuror köməkçisi Həmid Nurini ömürlük həbsə məhkum etməsindən sonra baş verir.

İsveç vətəndaşının həbsinin Həmid Nuri ilə onun dəyişdirilməsi niyyəti ilə həyata keçirildiyi ehtimal edilir.

Cavidan

GUNAZ.TV

SON XƏBƏRLƏR