“Güney Azərbaycan türkləri öz hökumətinin qurulmasını istəyir”- Əhməd Obalı -VİDEO

SON XƏBƏRLƏR

“Güney Azərbaycan türkləri öz hökumətinin qurulmasını istəyir”- Əhməd Obalı -VİDEO

2022.10.18, 10:35

Gunaz.tv

Verilişdə “Güney Azərbaycanın istiqlalına nə qədər qaldı?” mövzusu müzakirə edilib.

Güney Azərbaycanın, xüsusilə Təbrizin, Zənganın, Ərdəbilin rejimə qarşı mübarizədə daha ciddi dirəniş göstərdiyini bildirən Əhməd Obalı İran dövlətinin Araz kənarına təlim adı ilə qoşun toplamasından da danışıb.

“İran bu cür hədələri zaman-zaman edib. 2001-ci ildə İran qırıcıları Azərbaycanın hava sərhədlərini pozmuşdu.

O zaman “Türk şahinləri” Azərbaycan dəstəyə gəldi. İran qırıcıları o zaman ortadan yox oldu. 44 günlük savaşda da İranın xəyanəti təkrar olunmuşdu. Erməni ordusu silahını atıb Azərbaycan ordusunun qarşısından qaçırdı.

Oktyabrın 17-də İran ordusu Azərbaycan hərbi birliklərinin qarşısına çıxdı. Beton blok yaradıb Azərbaycan ordusunun qarşısını kəsdi, Azərbaycan ordusunu 6 əsgəri şəhid oldu. O şəhidlərin qanı İran dövlətinin üzərindədir”-deyə, Günaz.TV-nin rəhbəri bildirib.

Əhməd Obalı deyib ki, molla rejimi o zaman absurd iddialarla çıxış edirdi:

“İran iddia edirdi ki, guya SES-i qoruyurlar. Diplomatik təzyiqlərdən sonra İran geri çəkildi.

2021-də oktyabrda ayında yenə sərhəddə hərbi təlim keçirdilər. Amma öz texnikalarını, əsgərlərini vurdu. İndi yenə oktyabrın 17-də SEPAH ordusu Araz kənarında təlimlərə başlayıb. İranın hədə-qorxu gəlməsinin səbəbi budur ki, onlar özləri qorxuya düşüb”.

Güney Azərbaycanda baş verən hadisələrdən danışan Əhməd Obalı bildirib ki, diktatura rejiminin qanlı repressiyalarına baxmayaraq Azərbaycan xalqı öz tələblərini ortaya qoyur: “Etirazlar davam edir. Təbrizdə, Zənganda, Ərdəbildə etiraz olub. Aksiyalarda səslənən şüarlara diqqət etmək lazımdır.

Əsas şüarlar “Azadlıq, ədalət, milli hökumət”, “Azərbaycan türkləri, çəkəmməz bu zilləti”, “Nə şahçıyam, nə şeyxçi, millətçiyəm, millətçi”, “Biz ölməyə hazırıq, Babəkin sərbazıyıq”dır. Bu, onu göstərir ki, Azərbaycan türkləri öz hökumətinin qurulmasını istəyir. Bu, artıq millətin iradəsidir”.

Verilişin linkini sizə təqdim edirik:

Ayxan