G7 ölkələrinin xarici işlər nazirləri İranda etirazçılara qarşı amansız repressiyaları pisləyiblər

SON XƏBƏRLƏR

G7 ölkələrinin xarici işlər nazirləri İranda etirazçılara qarşı amansız repressiyaları pisləyiblər

2022.11.04, 17:45

Gunaz.tv

Noyabrın 4-də dərc olunan bəyanatda Amerika, Böyük Britaniya, Almaniya, Fransa, İtaliya, Kanada və Yaponiyanın xarici işlər nazirləri İran xalqının gələcək üçün əsas istəklərini dəstəklədiklərini bildiriblər.

Xarici işlər nazirləri həmçinin əxlaq polisil qüvvələri tərəfindən həbs edildikdən sonra Məhsa Əmininin zorakılıqla öldürülməsini pisləyiblər.

“Biz İran hakimiyyətindən beynəlxalq qanunlar, o cümlədən Mülki və Siyasi Hüquqlar üzrə Beynəlxalq Pakt üzrə beynəlxalq öhdəliklərinə əməl etməyi tələb edirik",- deyə, bəyanatda bildirilib.

Nazirlərin bəyanatının davamında bildirilir ki, 7-lik qrupuna üzv olan ölkələr “bütün iranlıların məlumat əldə etmək hüququnu” müdafiə edir, interneti kəsməklə və sosial medianı məhdudlaşdırmaqla İranın mədəni məkanının İslam Respublikası tərəfindən məhdudlaşdırılmasından, müstəqil jurnalistikadan və insan haqları müdafiəçilərini hədəf almasından təəssüflənirlər.

Dünyanın 7 sənayeləşmiş ölkəsinin xarici işlər nazirləri İslam Respublikasından haqsız yerə həbs edilənlərin, o cümlədən bir müddət əvvəl saxlanılan etirazçılar, uşaqlar, jurnalistlər və hüquq müdafiəçilərini azad etməyi istəyiblər.

Onlar öz bəyanatlarında İslam Respublikasının ikili vətəndaşları və əcnəbi vətəndaşları haqsız yerə həbs etməsi praktikasını pisləyib və İslam Respublikasından bu təcrübəyə son qoymasını tələb ediblər.

"Biz istəyirik ki, İran gecikmədən beynəlxalq hüquqi öhdəliklərini yerinə yetirsin" deyən nazirlər, Ukrayna təyyarəsinin SEPAH tərəfindən Tehran səmasında vurulması səbəbindən İranı cavabdehliyə cəlb etmək üçün beynəlxalq səylərin davam etdirilməsini istəyiblər.

"Bunlara İranın ballistik və qanadlı raketlər, eləcə də pilotsuz təyyarələrlə fəaliyyəti və bu cür qabaqcıl silahların hökumətlərə və qeyri-hökumət qruplarına verilməsi daxildir",-deyə, nazirlər İranın Yaxın Şərq və onun ətrafında sabitliyi pozan fəaliyyətini davam etdirdiyini qeyd ediblər.

"Biz heç bir etibarlı qeyri-hərbi əsası olmayan İranın nüvə proqramının davamlı genişlənməsindən dərin narahatıq", -deyə, bəyanat müəllifləri İranın nüvə proqramının hərbi məqsədlərə qulluq etməsindən nigəranlıqlarını bildiriblər.

Bəyanatın sonunda Tehranın öz kursunu dəyişməli, nüvə silahının yayılmaması sahəsində hüquqi və siyasi öhdəliklərini təxirə salmadan yerinə yetirməli olduğuna təkid olunub.

Cavidan

GUNAZ.TV

SON XƏBƏRLƏR