Almaniya Tehranın xeyrinə casusluq edən iranlıları dindirir

SON XƏBƏRLƏR

Almaniya Tehranın xeyrinə casusluq edən iranlıları dindirir

2023.01.05, 15:10

Gunaz.tv

Almaniya Daxili Təhlükəsizlik Xidmətinin bu ölkədə yaşayan İran rejiminin əleyhdarlarına ehtiyatlı olmaları barədə xəbərdarlığından sonra rəsmi Berlin elan edib ki, 2018-ci ildən bu günə kimi 24 İran vətəndaşının şübhəli fəaliyyəti ilə bağlı ən azı 9 işi araşdırıb.

Almaniya Federal Parlamentinin 43 üzvü Almaniyada yaşayan iranlı müxaliflərin həyatlarını qorumaq üçün birgə bəyanatda İran İnqilabı Keşikçiləri Korpusunun terror təşkilatları siyahısına daxil edilməsini istəyib.

Almaniya Sol Partiyasının nümayəndəsi Klara Bungerin ölkə hökumətindən Almaniyada yaşayan iranlıların müdafiəsi üçün görülən təhlükəsizlik tədbirlərini izah etməyi tələb etməsindən sonra
Berlin hökuməti onun müraciətinə cavab verib.

"İran müxalifəti İranın təhlükəsizlik qurumlarının hədəfindədir və bu səbəbdən də Almaniya hökuməti Tehranın müxalifətə qarşı casusluq təhlükəsini çox ciddi qəbul edir",-deyə, rəsmi cavabda bildirilib.

Qeyd edək ki, Almaniya hökumətinin məlumatlarına görə, İran rejiminin diqqəti xüsusilə ölkələrinə səfər edən və Almaniyada yaşayan soydaşları haqqında məlumat vermək üçün təzyiq altında olan iranlılara yönəlib.

Almaniya hökumətinin Sol Partiyasının nümayəndəsinə cavabından üç gün əvvəl ölkənin daxili təhlükəsizlik agentliyinin rəhbəri “Almaniya Xəbər Agentliyi”nə müsahibəsində iranlı fəallardan respublika rejiminə qarşı xüsusilə İrana səfər edərkən ehtiyatlı olmalarını istəyib.

O, İranın kəşfiyyat xidmətlərinin Almaniyada yaşayan iranlılar haqqında "məlumat toplamaq üçün Almaniyadakı casus və xəbərçilərindən" istifadə edə bilmə ehtimalına toxunaraq, İranın təhlükəsizlik aparatı bu mühacirlərin ailələrinə səssiz qalmaları üçün təzyiq edə biləcəyini deyib.

Timur

GUNAZ.TV

SON XƏBƏRLƏR