Media azadlığına görə İran sonuncu yerlərdən birini tutdu

SON XƏBƏRLƏR

Media azadlığına görə İran sonuncu yerlərdən birini tutdu

2023.05.04, 14:14

Gunaz.tv

Hesabata görə, İran yenə də media azadlığı üzrə tərtib olunan cədvəlin sonundadır.

Hesabatda qeyd edilib ki, İran media azadlığı göstəricilərinə görə, reytinq cədvəlində 180 ölkə arasında Vyetnam, Şimali Koreya və Çindən sonra 177-ci yerdə qərarlaşıb.

Sərhədsiz Reportyorlar İranda media azadlığının vəziyyətini narahatedici hesab edib və İranı bu baxımdan dünyanın ən repressiv hökumətlərindən biri adlandırıb.

Hesabatda Tehran hökumətinin təhlükəsizlik məmurlarının xaricdə fəaliyyət göstərən jurnalistlərə də müxtəlif yollarla təzyiq göstərib və onları təhdid etdikləri qeyd olunub.

Bir müddət öncə də Sərhədsiz Reportyorlar təşkilatının tərtib etdiyi 2022 Beynəlxalq Media Azadlığı İndeksi üzrə İran ən son pillələrdən birində qərarlaşmışdı.

Ötən ilə aid hesabatda da İran Şimali Koreya və Eritreyadan sonra sondan üçüncü yeri tutmuşdu.

Sərhədsiz Reportyorlar Təşkilatı bu indeksi 2002-ci ildən bəri hər il müəyyən edir və media azadlığının səviyyələri medianın müstəqilliyi, şəffaflığı və s. kimi geniş spektrli göstəricilər vasitəsilə hesablanır.

Qeyd edək ki, son 8 ay ərzində İranda 70 jurnalist həbs edilib və onlarla jurnalist isə təhlükəsizlik və prokurorluq orqanlarına çağrılaraq dindirilib.

Günaz.TV

GUNAZ.TV

SON XƏBƏRLƏR