Contact Us

SON XƏBƏRLƏR

İranda etirazlara qatılmış 7 məhbusa qarşı ağır ittiham irəli sürülüb

2023.05.19, 11:47
İranda etirazlara qatılmış 7 məhbusa qarşı ağır ittiham irəli sürülüb

Gunaz.tv

Onlar “Allah qarşı müharibə” ittihamı ilə məhkəməyə cəlb edilib.
Qeyd edək ki, “Allah qarşı müharibə” ittihamı İranın cinayət məcəlləsinə əsasən hökumətə və molla rejiminə qarşı aqressiv mübarizəyə qalxma anlamındadır. 

Bu 7 nəfərə qarşı elan olunmuş bu ittihamı onların edam olunması və ya uzun müddətli həbslə nəticələnə bilər.

İttiham edilən həmin 7 nəfər- Pejman İslami 31, Bağır Taci Əhmədi Fərd 35, Mehdi (Safa) Fədayi 41, Əlirza Şirdel 33, Əmir Əhmədian 21, Ənuş Adəmi 34 və Ümid Abulla Beygi 35 yaşındadır. 

Onlar ötən il İran rejiminə qarşı başlanmış etirazlarda iştirak edib,  22 sentyabr-14 noyabr aralığında saxlanılıb.

İlkin istintaq bitiriləndən sonra ETTELAT təcridxanasından Təbrizin ümumi həbsxanasına köçürülüblər. 

Müttəhimlərə vəkillə təmin imkanı verilmədən ötən il Təbrizdəki etirazlarda “ümumi əmlakın yandırılması", "rəhbərə xəyanət" və "etirazlara başçılıq” ittihamı ilə məhkum olunublar.

Onlara qarşı həmçinin “əlbir olub toplaşma, ölkənin təhlükəsizliyini pozmaq məqsədi ilə “Çahar Rah Şəhnaz” vatsap qurupunda üzvlük, ümumi intizamı pozma, Əli Xameneyiyə və Ruhulla Xomeyniyə xəyanət” ittihamları da elan olunub. 

Məhkəmə iclası mayın 13-də Təbrizin İkinci Cinayət Məhkəməsinin 112-ci Şöbəsində Rəhim Həmlbərin hakimliyi ilə keçirilib.

Qeyd edək ki, İran rejimi beynəlxalq insan haqları qanunlarına tabe olmadan hökumətə qarşı hər hansı etiraza sərt cəzalar kəsir,  o cümlədən edam hökmü çıxarır. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar