Contact Us

SON XƏBƏRLƏR

İsrail ordusunda İranla bağlı yeni alay yaradılıb

2023.06.12, 16:40
İsrail ordusunda İranla bağlı yeni alay yaradılıb

İsrail ilə İran arasında ehtimal olunan müharibə üzrə gərəkən hazırlıq məqsədi ilə yeni təhlükəsizlik alayı yaradılıb.

Gunaz.tv

Bu barədə ivrit dilində nəşr edilən “Yediot Ahronot” (Son Xəbərlər)qəzetində bildirilib.

“İranla İsrail arasında ehtimal olunan toqquşmanın özünəməxsusluğunu nəzərə alaraq hərbi əməliyyatların başqa tərzdə olması vacibdir”-qəzet belə yazıb.

Qəzet “podpolkovnik T” adlandırdığı bir zabitə istinadən bildirib ki, İranla hər hansı müharibə Qəzzə zolağında toqquşmalardan, Livanla savaşdan tamamilə fərqli olacaq.

"Bunun üçün isə ordunun mentalitetində böyük dəyişikliklərin edilməsi vacibdir"-qəzet bildirib.

 “Podpolkovnik T” adlanan şəxs İsrail ordusunun Hərbi İnformasiya İdarəsi nəzdində yenicə təsis edilmiş 54-cu Alayın (İranla əlaqədar alay) Tədqiqat Bölməsinin rəisidir. 

Həmin hərbi rəsmisinin sözlərinə görə alay İranın hərbi gücü və bu ölkənin nəzarətində olan strateji sistemlər barədə gərəkən infrastrukturları hazırlamalıdır.

Yeni alayın yaradılmasından məqsəd isə İranla genişmiqyaslı və birbaşa hərbi toqquşmalar zamanı İran ordusu və SEPAH barədə  İsrail ordusuna hər hansı mümkün olan informasiya toplamaqdır.

Bu alay 30 əsgərdən ibarətdir, ona hələ bəlli bir ad verilməyib. Lakin İranla müharibə üçün ordunun hazır vəziyyətə gətirilməsi vəzifəsi tapşırılıb.

Alay İranın silahlı qüvvələri, müharibə doktorinası, metodu və təmlimlərinin araşdırılması barədə fəaliyyət göstərəcək. 

Qəzetin bildirdiyinə görə, İsrailin həmləsi üçün bütün İranda minlərlə hədəf aşkarlanıb.

Lakin bu alayın vəzifəsi daha önəmli hədəfləri ayırd etmək və seçmək, həmçinin həmlə priorotteliyini təyin etməkdir.

“Bizim işimiz İranın daxilində Qüds Qüvvələri ilə bağlı deyil SEPAH-la əlaqəli hər hansı materialı analiz etməkdir.”-deyə alayın bir zabiti qəzetə açıqlayıb.

“Podpolkovnik T” isə bildirib ki, “hər gün yeni məlumat əldə edirik və işmiz qənaətbəxş irəliləyir. İranda ehtimal olunan hədəflər barədə məlumat bankımızı daha da artırmışıq və artıq ancaq nüvə təsisatları barədə deyil”-qəzet belə yazıb.

Alayın başlıca öhdəlikləridən biri də İranla İsrail arasında ehtimal olunan müharibə üzrə hədəflərin coğrafi xəritəsini tərtib etməkdir. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar