Contact Us

SON XƏBƏRLƏR

Təbriz və Urmuda yüzlərlə şəxs işdən qovulub

2023.06.27, 11:51
Təbriz və Urmuda yüzlərlə şəxs işdən qovulub

Son vaxtlar İranda iqtisadi böhran dərinləşib. İş yerləri bağlanır, insanlar işsiz qalır. Qərbi Azərbaycanın mərkəzi Urmu şəhərində fəaliyyət göstərən "Rifah" mağazalar şəbəkəsinin 70-ə yaxın əməkdaşı əvvəlcədən xəbərdarlıq edilmədən və heç bir səbəb göstərilmədən işdən çıxarılıb.

Gunaz.tv

İşdən qovulanlara ixtisarların davam edəcəyini və  iyulun sonunda daha 150 nəfərin işdən çıxarılacağını deyiblər.

Bununla yanaşı eyni mağazalar şəbəkəsinin Təbrizdəki bölməsində də 200 işçi işdən çıxarılıb.

Şərqi Azərbaycan əyalətinin Kooperasiya, Əmək və Sosial Rifah Təşkilatının baş direktoru Hüseyn Fəthi işdən çıxarılma faktını təsdiqləyib.

O, "Rifah" mağazalar şəbəkəsinin ziyanla işlədiyini, Tehranda da bir neçə bölməsinin bağlandığını və yaxın gələcəkdə mağazalar şəbəkəsinin İranda tamamilə fəaliyyətini dayandıracağını bildirib.

Timur

Açar Sözlər :

SEÇİLMİŞ XƏBƏRLƏR

Çox oxunanlar