Belçikalı nazir İran heyətinə viza verdiyinə görə üzr istəyib

SON XƏBƏRLƏR

Belçikalı nazir İran heyətinə viza verdiyinə görə üzr istəyib

2023.06.27, 14:05

Belçikanın xarici işlər naziri Haca Lahbib Brüsseldə keçiriləcək konfransda iştirak etmək məqsədi ilə İranlı heyətə, o cümlədən Tehranın bələdiyyə başçısı Əlirza Zakaniyə viza verildiyinə görə üzr diləyib və təəssüfləndiyini bildirib.

Gunaz.tv

O, parlamentin Xarici Əlaqələr Komitəsində çıxışında deyib: “Hazırkı böhran barədə çox təəssülənirəm və sizdən bu səhvə görə üzr diləyirəm”.

Qeyd edək ki, Belçika parlamentinin əksər üzvü İran heyətini beynəlxalq tədbirə dəvət etmiş xarici işlər nazirinin irəli sürdüyü səbəblərin anlaşılmaz olduğunu bildirib.

Onlar İranlı heyəti dəvət etməyə görə irəli sürülən səbəbləri "müdafiə olunmaz və çaşdırıcı" adlandırıb.

Lahbib dünyanın bir sıra bələdiyyə başçılarının iştirakı ilə iyunun 12-dən 15-dək keçirilmiş konfransa iranlı heyəti dəvət etməklə bu ölkədə İran müxalifətini təhlükəyə salmaqda ittiham olunur.

Qeyd edək ki, Belçikanın Xarici İşlər Nazirliyi iyunun 8-də 14 İran rəsmisinə viza verməyə razılaşıb.

Lahbib qeyd edib ki, bu vizalar ölkənin təhlükəsizlik qurumları ilə koordinasiya olunaraq verilib və o da buna qarşı çıxmayıb.

Belçika parlamentinin İran kökənli üzvü Darya Səfayi bildirib ki, iranlı heyət Brüsseldə düzənlənən, onun da iştirak etdiyi anti-İran nümayişləri video-lentə alıblar.

Lahbib çəkilən videoların Səfayini təşvişə saldığı üçün üzr istəyib.

Nazir söz verib ki, əcnəbilərin beynəlxalq konfranslarda iştirakına viza verilməsi barədə daha sərt tərbirlər görəcək.

Taymaz

GUNAZ.TV

SON XƏBƏRLƏR